21-ǵasyrdyń 21-shi jyly barsha adamzat úshin betburys kezeńine ainalmaq. Bul týraly 7-shi shaqyrylǵan Parlamenttiń 1-shi sessiiasyn ashqan QR Prezidenti Qasym-Jomart Toqaev aitty, dep habarlaidy "Ult aqparat".
«Májilis pen barlyq deńgeidegi máslihattardyń kóppartiialy bolýy, jańa quramy qoǵamdaǵy saiasi básekeniń arta túskendigin kórsetti. Elbasy jetekshilik etetin «Nur Otan» partiiasy óziniń kóshbasshylyǵyn taǵy bir márte dáleldedi. Halyqtyń belgili bir bóliginiń múddesin kózdeitin basqa da partiialar senim mandatyna ie boldy. El-jurtymyz egemendigimizdiń 4-shi onjyldyǵyna qadam basar tusta buryn bolmaǵan jańa syn-qaterlermen betpe-bet kelip otyr. Biz ǵana emes kúlli dúniejúzi múlde jańa dáýirge bet burdy. Órkeniettiń damý jolymen álemdik qurylymnyń túp negizi túbegeili ózgeriske ushyraýda», - dedi Memleket basshysy.
QR Prezidenti alda synaqtar men syn-qaterler az bolmaitynyn basa aitty.
«Degenmen, barlyǵymyzdyń eń basty mindetimiz - pandemiianyń saldaryn eńserý. 21-ǵasyrdyń 21-shi jyly barsha adamzat úshin betburys kezeńine ainalmaq. Bul jyl aldaǵy onjyldyqtyń basty baǵdaryn aiqyndaidy. Mundai kúrdeli jaǵdaida ýaqyttan utylýǵa jáne bir sátke de bosańsýǵa bolmaidy», - dedi Qasym-Jomart Toqaev.
