Ońtústik Qazaqstan oblysynyń ákimi J.Túimebaev 2016–2017 oqý jylynyń basynda selektorlyq keńes ótkizip, aýdan, qala ákimderine ár mektep aýlasynda jylyjai salý jóninde, sonyń ishinde Sairam men Saryaǵash aýdanynyń ákimderine jylyjaidyń joǵary deńgeidegi úlgisin jasap, seminar ótkizýdi tapsyryp edi.
Al, Shymkent qalasynyń «Asar» shaǵynaýdanyndaǵy №89 mektep-litseii memlekettik jalpyǵa mindetti bilim berý standartynyń «árbir bilim mekemesiniń aýlasynda oqý-tájiribe alańy bolýy qajet» deitin talabyn 2012 jyly-aq oryndap, demeýshiler kómegimen jylyna 2-3 ret ónim alatyn 300 sharshy metr jylyjai jasap qoiǵan bolatyn. Onda oqýshylar 174 ǵylymi jobamen ainalysýda, onyń ishinde 60 jobany úsh tilde qorǵaýǵa daiyn. Qazirgi tańda «Shyraigúl (petýniia) gúlin ósirip baptaý», «Biogýmýs daiyndaý», «Hrizantema gúlin kóbeitý», 7 túrli emdik qasieti bar shópterdi ósirý jolǵa qoiylǵan. Oqýshylar baqylaý, zertteý jumystaryn júrgizip, teoriiany praktikamen, ǵylymmen ushtastyryp otyr. Mektep ujymy Táýelsizdigimizdiń 25 jyldyǵynyń qurmetine 25000 dana gúl kóshetin qala mektepteri men balabaqshalarǵa, qarttar men balalar úiine, «Asar» turǵyndaryna tartý etti.
Ustazdardyń qajyrly eńbegi men shákirtterdiń yjdahattylyǵy arqasynda mektep joǵary kórsetkishterge jetip otyr. Halyqaralyq jáne respýbika kóleminde 42 oqýshy túrli baiqaý diplomymen marapattalsa, 52 oqýshy oblystyq ǵylymi joba men olimpiadalarda júldeli oryn alǵan. 4 muǵalim respýblika, 32 muǵalim oblys, 57 muǵalim qala kólemindegi baiqaýlardyń diplomyn ielengen. Áriptesteri tarapynan kóp qoiylatyn «mundai jetistiktiń syry nede, sizder qalai 3 jyl ishinde jaratylystaný jáne ekologiialyq baǵyttaǵy mektep-litsei mártebesin iemdendińizder?» degen suraqqa ujym basshysy Qasym Atabaev (sýrette) bylai jaýap beredi:
– Birinshiden, mektep basshysy ózine amanat etip tapsyrylǵan ustazdar men oqýshylarǵa meiirimmen qaraýy, amanatqa qiianat jasamaýy tiis. Bul ne degen sóz? Bul – oqýshylar memleket standartqa sai talap etip otyrǵan bilim deńgeiin júz paiyz igerýi tiis degen sóz. Al, memleket talaby úsh faktor – mekteptiń myqty materialdyq-tehnikalyq bazasy, sapaly bilim beretin muǵalimder quramy jáne uiymdastyrý qabileti joǵary mektep direktory óz sheshimin tapqan kezde oryndalady. Birinshi faktordy barlyq jerde 100 paiyz bolmasa da, memleket qamtamasyz etip otyr. Qalǵan ekeýi – direktordyń qolynda. Ol durys tańdaý men suryptaý arqyly myqty ujym jasaqtaýǵa, qalyptastyrýǵa mindetti. Bizde bul másele sheshilgen. 120 ustazdyń 34-i – joǵary sanatty muǵalim, 80 paiyzy – tájiribeli mamandar. Odan bólek 6 ǵylym doktory men kandidat mektebimizge kelip, jaratylystaný pánderinen sabaq beredi. Mekteptegi 3 sport zalynda 16 sport sektsiiasy men 21 úiirme jumys isteidi. Oqýshylardyń 97 paiyzy osy úiirmelerge qatysady. 3 paiyzy – UBT-ǵa daiyndalatyn 11-synyp oqýshylary.
Taqyryp – jai aityla salǵan sóz emes, mektep shynynda da «HHI ǵasyr mektebi» dep atalatyn aǵylshyndyq jobamen salynǵan. Ustazdary da, oqýshylary da soǵan sai. Mektepke Shymkenttiń ózge shaǵynaýdandarynan kelip oqyp júrgen qalalyq 450 bala – sonyń jarqyn dáleli.
Ómirzaq AQjigit, «Ońtústik Qazaqstan».
