Búgin Ortalyq kommýnikatsiialar qyzmetinde ótken baspasóz máslihatynda Aqtóbe oblysynyń ákimi Ońdasyn Orazalin hidjap taqqan 2 qyzdyń sabaqqa kelmei otyrǵanyn aitty, dep habarlaidy "Ult aqparat".
«Byltyr 7 qyz bala osy jaǵdaiǵa bailanysty oqý jylynyń ishinde mektepke kelgen joq. Biyl - nebári eki qyz bala. Meniń oiymsha, bul jerde qyzdarǵa arnalǵan jeke mekteptiń ashylýy, ekinshi jaǵynan túsindirý jumystary oń áser etti. Bul jaǵynan órship bara jatqan úlken problema joq», - dedi ol BAQ ókilderiniń saýalyna orai .
Osy rette oblys bassh,ysy zaiyrly memleket bolǵan soń balalardy tiisti bilimmen qamtamasyz etý qajettigin basa aitty.
«Soǵan bailanysty mektepte qoldanylatyn erejelerdi saqtaýymyz kerek. Jalpy osy máselege bailanysty ata-analarda túsinik bar. Qazirgi tańda olardyń sany edáýir azaidy. Meniń oiymsha, bolashaqta bul úlken problemaǵa ainalmaýy tiis», - deidi Ońdasyn Orazalin
