بٷگٸن ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا اقتٶبە وبلىسىنىڭ ەكٸمٸ وڭداسىن ورازالين حيدجاپ تاققان 2 قىزدىڭ ساباققا كەلمەي وتىرعانىن ايتتى, دەپ حابارلايدى "ۇلت اقپارات".
«بىلتىر 7 قىز بالا وسى جاعدايعا بايلانىستى وقۋ جىلىنىڭ ٸشٸندە مەكتەپكە كەلگەن جوق. بيىل - نەبەرٸ ەكٸ قىز بالا. مەنٸڭ ويىمشا, بۇل جەردە قىزدارعا ارنالعان جەكە مەكتەپتٸڭ اشىلۋى, ەكٸنشٸ جاعىنان تٷسٸندٸرۋ جۇمىستارى وڭ ەسەر ەتتٸ. بۇل جاعىنان ٶرشٸپ بارا جاتقان ٷلكەن پروبلەما جوق», - دەدٸ ول باق ٶكٸلدەرٸنٸڭ ساۋالىنا وراي .
وسى رەتتە وبلىس باسش,ىسى زايىرلى مەملەكەت بولعان سوڭ بالالاردى تيٸستٸ بٸلٸممەن قامتاماسىز ەتۋ قاجەتتٸگٸن باسا ايتتى.
«سوعان بايلانىستى مەكتەپتە قولدانىلاتىن ەرەجەلەردٸ ساقتاۋىمىز كەرەك. جالپى وسى مەسەلەگە بايلانىستى اتا-انالاردا تٷسٸنٸك بار. قازٸرگٸ تاڭدا ولاردىڭ سانى ەدەۋٸر ازايدى. مەنٸڭ ويىمشا, بولاشاقتا بۇل ٷلكەن پروبلەماعا اينالماۋى تيٸس», - دەيدٸ وڭداسىن ورازالين
