Videodan skrinshot
Qyrǵyzstandyq ata-ana 20 jastaǵy qyzyn moldaǵa aparyp, shlangpen uryp-soǵyp, jaǵymsyz iisi bar suiyqtyq quiylǵan bóshkege batyrǵan. Bul týraly Stan.kz saityna siltep Ult.kz habarlaidy.
Sezim daǵdarys ortalyǵynyń málimetinshe, 20 jastaǵy Bishkek turǵyny óz ata-anasynyń qatygezdigine tap bolǵan. Buǵan onyń hidjab kiiýden bas tartýy sebep bolypty. Ata-ana qyzyn uzaq ýaqyt boiy moldaǵa kúshtep aparyp, "jyn shyǵaratyn" rásimder jasaǵan.
Jábirlenýshiniń aitýynsha, ony shlangpen uryp-soǵyp, jaǵymsyz iisti suiyqtyq quiylǵan ydysqa kúshtep batyrǵan. Sonymen qatar, ata-anasy qyzynyń bostandyǵyn shektep, telefonyn alyp qoiyp, úiden shyǵýǵa ruqsat bermegen. Boijetken otbasynyń bir jyldan beri radikaldy dini kózqarastardy ustanǵanyn habarlady.
Bul jaǵdai jelide qyzý talqyǵa tústi. "Sezim" ortalyǵynyń ókilderi qyzdyń ata-anasymen sóilesken. Osydan keiin boijetkenge hidjab kimeýge ruqsat berilipti.
