ۆيدەودان سكرينشوت
قىرعىزستاندىق اتا-انا 20 جاستاعى قىزىن مولداعا اپارىپ, شلانگپەن ۇرىپ-سوعىپ, جاعىمسىز يٸسٸ بار سۇيىقتىق قۇيىلعان بٶشكەگە باتىرعان. بۇل تۋرالى Stan.kz سايتىنا سٸلتەپ Ult.kz حابارلايدى.
سەزٸم داعدارىس ورتالىعىنىڭ مەلٸمەتٸنشە, 20 جاستاعى بٸشكەك تۇرعىنى ٶز اتا-اناسىنىڭ قاتىگەزدٸگٸنە تاپ بولعان. بۇعان ونىڭ حيدجاب كييۋدەن باس تارتۋى سەبەپ بولىپتى. اتا-انا قىزىن ۇزاق ۋاقىت بويى مولداعا كٷشتەپ اپارىپ, "جىن شىعاراتىن" رەسٸمدەر جاساعان.
جەبٸرلەنۋشٸنٸڭ ايتۋىنشا, ونى شلانگپەن ۇرىپ-سوعىپ, جاعىمسىز يٸستٸ سۇيىقتىق قۇيىلعان ىدىسقا كٷشتەپ باتىرعان. سونىمەن قاتار, اتا-اناسى قىزىنىڭ بوستاندىعىن شەكتەپ, تەلەفونىن الىپ قويىپ, ٷيدەن شىعۋعا رۇقسات بەرمەگەن. بويجەتكەن وتباسىنىڭ بٸر جىلدان بەرٸ راديكالدى دٸني كٶزقاراستاردى ۇستانعانىن حابارلادى.
بۇل جاعداي جەلٸدە قىزۋ تالقىعا تٷستٸ. "سەزٸم" ورتالىعىنىڭ ٶكٸلدەرٸ قىزدىڭ اتا-اناسىمەن سٶيلەسكەن. وسىدان كەيٸن بويجەتكەنگە حيدجاب كيمەۋگە رۇقسات بەرٸلٸپتٸ.
