Foto: IIM
Ishki ister ministrligi qazaqstandyqtarǵa mańyzdy eskertý jasady. Sońǵy ýaqytta áleýmettik jelilerde tanymal bolý úshin tabiǵi jáne tarihi nysandardy búldirý faktileri jiilep ketken. Bul týraly Polisia.kz habarlady.
Vedomstvonyń málimetinshe, qoryqtar, ulttyq parkter, tarihi eskertkishter men tabiǵi nysandar – eldiń ulttyq murasy jáne memleket qorǵaýynda. Jartastarǵa jazý jazý, eskertkishterdi búldirý nemese kez kelgen mádeni ári tabiǵi obektige ziian keltirý – zańmen qýdalanatyn áreket.
IIM mundai quqyqbuzýshylyqtar úshin qatań jaza qarastyrylǵanyn eske saldy. Atap aitqanda, Qylmystyq kodekstiń 294-baby – «Vandalizm» boiynsha kinálilerge 100-den 2000 ailyq eseptik kórsetkishke deiin aiyppul salynady. 2026 jylǵy esep boiynsha bul 432 500 teńgeden 8 650 000 teńgege deiingi somany quraidy. Sonymen qatar, quqyq buzýshylar qoǵamdyq jumystarǵa tartylyp, 50 táýlikke deiin qamaýǵa alynýy nemese úsh jylǵa deiin bas bostandyǵynan aiyrylýy múmkin.
Ministrlik vandalizm derekterine zań aiasynda qatań quqyqtyq baǵa beriletinin atap ótti.
