Qoǵam qairatkeri, jeltoqsanshy Hasen Qoja-Ahmet kezekten tys Prezident sailaýyna qatysatynyn málimdedi.
"Qazaqtyń ulttyq-demokratiiashyl Azat, Jeltoqsan, Alash uiymdarynyń usynysymen 1970-1980 jj. Ult-azatyǵy úshin kúresip úsh márte saiasi tutqynda bolǵan Qoja-Ahmet Hasen Kárimjanuly (tarihshy, kompozitor, professor) 9.06.2019 jyly bolatyn Prezidenttik sailaýǵa túsýge kelisimin berdi" delingen Ult portalynyń poshtasyna kelgen aqparatta.
Aita ketsek, Hasen Kárimjanuly Qoja-Ahmet 1949 jyly 9 tamyzda Almaty oblysy Aqsý aýdany Matai kentinde dúniege kelgen. Qazaqstan jazýshylar odaǵynyń múshesi, jýrnalist-pýblitsist, sazger, qoǵam qairatkeri. 1972 jyly Almaty mýzykalyq ýchilishesin, 1993 jyly QazMUÝ-dy támamdaǵan.
1990-1993 jyly “Jeltoqsan” qoǵamdyq qozǵalysyn basqardy. 1993 jyldan Qazaqstannyń azamattyq “Azat” qozǵalysynyń tóraǵasy. Keńestik totalitarlyq júiege, ult saiasatyndaǵy teńsizdikterge qarsylyq bildirip, 1977 jáne 1987 jyly saiasi aiyppen sottaldy.
Pýblitsistika salasynda qalam tartyp, 200-den astam maqala jazdy. 300-ge tarta án men mýzykalyq aspaptarǵa arnalǵan 50 shaqty shyǵarmanyń avtory. 2000 jyly “Qurmet Belgisi” ordenimen marapattalǵan.
