قوعام قايراتكەرٸ, جەلتوقسانشى حاسەن قوجا-احمەت كەزەكتەن تىس پرەزيدەنت سايلاۋىنا قاتىساتىنىن مەلٸمدەدٸ.
"قازاقتىڭ ۇلتتىق-دەموكراتيياشىل ازات, جەلتوقسان, الاش ۇيىمدارىنىڭ ۇسىنىسىمەن 1970-1980 جج. ۇلت-ازاتىعى ٷشٸن كٷرەسٸپ ٷش مەرتە ساياسي تۇتقىندا بولعان قوجا-احمەت حاسەن كەرٸمجانۇلى (تاريحشى, كومپوزيتور, پروفەسسور) 9.06.2019 جىلى بولاتىن پرەزيدەنتتٸك سايلاۋعا تٷسۋگە كەلٸسٸمٸن بەردٸ" دەلٸنگەن ۇلت پورتالىنىڭ پوشتاسىنا كەلگەن اقپاراتتا.
ايتا كەتسەك, حاسەن كەرٸمجانۇلى قوجا-احمەت 1949 جىلى 9 تامىزدا الماتى وبلىسى اقسۋ اۋدانى ماتاي كەنتٸندە دٷنيەگە كەلگەن. قازاقستان جازۋشىلار وداعىنىڭ مٷشەسٸ, جۋرناليست-پۋبليتسيست, سازگەر, قوعام قايراتكەرٸ. 1972 جىلى الماتى مۋزىكالىق ۋچيليششەسٸن, 1993 جىلى قازمۇۋ-دى تەمامداعان.
1990-1993 جىلى “جەلتوقسان” قوعامدىق قوزعالىسىن باسقاردى. 1993 جىلدان قازاقستاننىڭ ازاماتتىق “ازات” قوزعالىسىنىڭ تٶراعاسى. كەڭەستٸك توتاليتارلىق جٷيەگە, ۇلت ساياساتىنداعى تەڭسٸزدٸكتەرگە قارسىلىق بٸلدٸرٸپ, 1977 جەنە 1987 جىلى ساياسي ايىپپەن سوتتالدى.
پۋبليتسيستيكا سالاسىندا قالام تارتىپ, 200-دەن استام ماقالا جازدى. 300-گە تارتا ەن مەن مۋزىكالىق اسپاپتارعا ارنالعان 50 شاقتى شىعارمانىڭ اۆتورى. 2000 جىلى “قۇرمەت بەلگٸسٸ” وردەنٸمەن ماراپاتتالعان.
