Balalar ádebietin qoldaýǵa bir jyldy ǵana emes, on jyldy arnasaq ta jetkiliksiz. Sebebi balalar ádebieti degen óte úlken taqyryp. Bul jolda atqarylyp jatqan sharýalar az emes. Máselen, Steppe & World baspa úii qazaqsha oqýdy trendke ainaldyrý maqsatynda, dúniejúziniń eń kóp suranysyna ie bolǵan kitaptardy aýdara bastady. Onyń ishinde tanymaly – Hárri Potter seriiasy.
Joan Roýlińniń siqyrshy bala Hárri Potter týraly romandar seriiasy qazaq balasyna ne beredi? Týyndynyń qazaq tiline aýdarylýy qanshalyqty mańyzdy? «Ult» portaly osy suraqtardyń jaýabyn izdep kórdi.
Raisa Sairanqyzy, Steppe & World baspa úiiniń negizin salýshy:
«Hárri Potterdi qazaq balalary ǵana emes álemdegi barlyq bala súisinip oqidy. Al osyndai tanymal eńbektiń aýdarý biz úshin mindet. Alǵashqyda 80 tilde jaryq kórgen seriianyń áli kúnge qazaqshaǵa aýdarylmaǵanyna, 20 jyldyń ishinde bul isti eshkim qolǵa almaǵanyna alǵash tańǵalǵanym ras. Bul máseleni sheshýdi dereý qolǵa aldyq. Balalarǵa arnalǵan álemge áigili shyǵarmalardy “Anna Franktyń kúndeligi”, “Grýffalo”, “Hárri Potter men pálsapa tas” degen ataýlarmen qazaq tiline aýdara bastadyq. “Hárri Potter men pálsapa tas” romanyn aýdarýǵa bir jyldan astam ýaqyt ketti. Az ǵana ýaqyttyń ishinde kóp oqyrmanyn taýyp úlgergen bul kitap, eń birinshiden, balalardy kitap oqýǵa baýlýǵa sebep bola alady. Óitkeni bul týyndynyń kinosy da, mýltfilmi de bar. Al kitabyn oqyńan bólek lázzat ekenin kez kelgen oqyrman jaqsy biledi»
Fariza Qýat, ata-ana:
«Meniń ulym 12 jasta. Hárri Portterdiń kinosyn úzbei kóredi. Alǵashqyda balalardy baýrap alatyn netken kino dep tańǵalýshy edim. Endi bul kitaptyń qazaqshalanǵanyn estip, alyp berýimdi ótindi. Bul kitap seriia bolyp, kóp bolyp shyqsa ár seriiasyn ala bergisi keledi eken bala degen. Ulymnyń sonsha qýanǵanyn kórip, tańǵaldym. Suranysqa ie kitapty nege alyp bermeske? Kitap balaǵa ne beredi dep oilaýdyń ózi artyq. Eń bastysy bala kitap oqidy. Onyń ústine jaz mezgilindegi demalys kezinde balalar úshin taptyrmaityn múmkindik. Kún salqyndaǵanda dalada oinap alsa, ystqy kezde túski ýaqytta bir mezgil kitap oqidy. Balalardy ata-anadan keiin kógildir ekran men kitap tárbieleidi degen pikirge júz paiyz qosylamyn».
Nazgúl Qojabek, Jobanyń jaýapty redaktory:
«Kitap týraly alǵash aqparat berip, muqabasyn áleýmettik jelilerde jariiaǵaly beri «Nege «Garri» emes, «Hárri?», «Nege «Roýling» emes, «Roýliń?» degen suraq kóbeidi. Biz tikelei aǵylshyn tilinen aýdardyq. Aǵylshyn tilinde Harry, «Hárri» bolyp oqylady. «Á» dybysy aǵylshyn tilinde de, qazaq tilinde de bar. Sol siiaqty jazýshynyń tegi de qazaq tilinde bar «ń» dybysymen aiaqtalyp tur. Sondyqtan «Garri» emes, «Hárri», «Roýling» emes, «Roýliń» bolady. Sonymen birge eger Qazaqstan latyn álipbiine tolyqtai kóshken jaǵdaida «Garri» dep aýdarsaq, Garry dep jazýǵa týra keledi. Osylaisha qate jiberýimiz múmkin».
Raýan Shyntaeva, muǵalim:
«Hárri Potter álemge tanymal keiipker, tanymal týyndy. Mektep oqýshylarynyń suranysyna ie bolǵan týyndynyń qazaqshaǵa aýdarylýy qýanyshty eki eseletti. Balaǵa ne beredi degen saýalǵa kelsek.... birinshiden, balany jalyqtyrmaidy, kitap oqýǵa degen qyzyǵýshylyǵyn arttyra túsedi. Ekinshiden, álem ádebietimen etene jaqyndasady. Álem ádebietiniń de ereksheligin túsine bastaidy. Úshinshiden, negizgi keiipker Hárri balalardy eńbekqorlyqqa, adaldyqqa, jaýapkershilikke shaqyrady. Bul týyndynyń aýdarylýy qazaq balalar ádebietine qosylǵan óte úlken úles dep bilemin».
Esterińizge sala keteiik, Steppe & World baspa úii qazaqsha oqýdy trendke ainaldyrý maqsatynda, dúniejúziniń eń kóp suranysyna ie bolǵan kitaptardy aýdara bastady. Onyń ishinde tanymaly – Hárri Potter seriiasy. Biyl Qazaqstanda «Balalar ádebieti» jyly dep jariialanǵany belgili. Osy oraida, balalar ádebietin qoldaýǵa bir jyldy ǵana emes, on jyldy arnasaq ta jetkiliksiz. Sebebi balalar ádebieti degen óte úlken taqyryp. Bul jolda atqarylyp jatqan sharýalar az emes.
