Búgin Taýarlar men kórsetilgen qyzmetterdiń sapasyn baqylaý basqarmasy, jergilikti politsiia qyzmeti jáne Esil aýdany ákimdiginiń ókilderi kezekti reidke shyqty. Bul joly baqylaýshylar iri saýda ortalyqtaryn tekserdi, dep habarlaidy "Ult aqparat".
Ákimdiktiń málimetine sensek, 28 qazanda mobildi top músheleri úsh saýda oiyn-saýyq ortalyǵyn - «Aziia Park» SOO, «Han Shatyr» SOO, Mega SilkWay SOO jáne Máńgilik El dańǵyly, 17 úide ornalasqan Korkem Centre saýda úiin tekserdi.
«Han Shatyr» SOO-da buzýshylyqtar anyqtaldy. Atap aitqanda, Sterling Silver bijýteriia dúkeni men Tudors Erler kiimi dúkeninde satýshy-keńesshiler maska taǵý rejimin buzdy», – dep atap ótti Esil aýdany ákimdigi.
Basqa SÚ jáne fitnes-ortalyqtarda eskertýler bolǵan joq. Sonymen qatar, tekserýshiler zańsyzdyqtardyń basym bóligi keshki ýaqytta bolatynyn atap ótti.
Kóptegen oiyn-saýyq oryndary jumys kestesin buzady jáne belgilengen ýaqyttan keiin ashylady.
«Nur-Sultanda karantin bastalǵannan beri búgingi kúnge deiin 1600-ge jýyq raport pen 746 hattama jasaldy. 166 million ákimshilik aiyppul salyndy», - dep túsindirdi Esil aýdany taýarlar men kórsetilgen qyzmetterdiń sapasy men qaýipsizdigin baqylaý departamentiniń basshysy Arman Qurbanov.
Jaýapty tulǵalar taǵy da saýda ortalyqtarynyń qyzmetkerlerin, oiyn-saýyq oryndarynyń kelýshileri men ielerin sanitarlyq normalardy qatań saqtaýǵa shaqyrady.
Olardyń ári qarai jumysty jalǵastyratyny nemese toqtatatyny osyǵan bailanysty.
