"Ordaǵa asyl maqsatpen keldik". Bul - keshe oblystyq «Oral óńiri» jáne «Priýrale» gazetteriniń 100 jyldyǵyna orai Bókei Ordasy aýdanyna attanǵan «Jaiyq Press» mediaholdinginiń delegatsiiasyn bastap barǵan «Jaiyq Press» JShS bas direktory Jantas Safýllinniń sapar maqsaty týraly aitqan sózi.
Ekspeditsiia baǵytyna Orda jeriniń tańdalyp alynýy beker emes. Óitkeni osy mekende zańger, aǵartýshy Ǵabdolǵaziz Musaǵalievtiń redaktorlyǵymen qos basylymnyń bastaýynda turǵan «Uran» gazeti dúniege kelgen. Óz kezeginde basylym el ziialylarynyń sol zamandaǵy ideialaryn nasihattaýda mańyzdy ról atqardy.
Sapar Jańaqala aýdanynda ornalasqan Mámen men Tuiaqberdi kúishilerdiń kesenesine ziiarat etýden bastaldy. Mereitoilyq ekspeditsiia qatysýshylaryn jańaqalalyq jáne bókeilik turǵyndar qarsy alyp, dám usyndy. Ár aýdanda qos basylymnyń ǵasyrlyq mereitoiymen quttyqtaǵan qos aýdannyń ákimderi - Naýryzbai Qaraǵoishin men Nurlan Rahymjanov ujymǵa shyǵarmashylyq tabys tiledi.
Ordaǵa jetken jolaýshylar Han ziratyna aialdady. Marqumdardyń rýhyna quran baǵyshtalǵan soń, delegatsiia múshelerine Jáńgir han, M.S.Babajanov, Dáýletkereilerdiń ómir joly, osy keshendegi qulpytastar tarihy tanystyryldy. Aita keteiik, ótken jyly tarih ǵylymdarynyń kandidaty Aitjan Nurmanova bastaǵan ǵalymdar bókeilik handardyń jerlengen oryndaryndaǵy qulpytastardy zerttegen bolatyn.
Oraldan kele jatqan jolaýshylardy aýyl turǵyndary erekshe qoshemetpen qarsy alyp, qosh keldiń aitty.
«Jaiyq Press» JShS direktory Jantas Safýllinniń aitýynsha, atalǵan ekspeditsiia Elbasynyń «Týǵan jer» baǵdarlamasymen úndesedi.
- Qos gazettiń 100 jyldyǵyna daiyndyq barysynda Orda jerine aiaqtai baryp, bar keremetti kózben kórip kelemiz dep maqsat etip edik. Oilap qarasańyz, osydan dál 100 jyl buryn, osy ólkede ata-babalarymyz gazetti shyǵarý jolynda jumys istedi. Bul istiń basynda Ǵabdolǵaziz Musaǵaliev, Nuǵman Manaev siiaqty uly tulǵalarymyz boldy. Biz «Qazaqstan», «Uran» gazetterin nege taba almadyq? Óitkeni qos basylym da halyqty azattyqqa, saýattylyqqa shaqyryp, óz aldymyzǵa el bolýǵa úndedi. Osy jolda jan aiamai qyzmet qyldy. Osy ustanymdary úshin de basylymdarymyzdyń ózi repressiianyń qurbany boldy. Endi bizdiń maqsat – táýelsizdiktiń qadirin uǵynyp, ulylar bastaǵan isti halyqqa tanytý, ári qarai jalǵaý. Menińshe, ol úshin ár qyzmetker mańyzdylyǵyna tereń mán berý qajet. Delegatsiia quramynda alpysty alqymdaǵan aldyńǵy býynnan bastap jas býyn ókilderi de qatysyp otyr. Olar búgingi sapardan qanattanyp, oi túiip qaitsa degen shynaiy nietimiz bar. Búgin 30-ǵa tarta qyzmetker osy maqsatta baspasózdiń bastaýy bolǵan qasietti Ordaǵa arnaiy bas tiredik. Osy jolda bizdi qoldaǵan ár azamatqa alǵysymdy bildiremin, - dedi J.Nabiollauly.
Budan keiin ekspeditsiia qatysýshylary «Uran» gazetiniń alǵashqy nómirinen bastap jaryq kórgen tuńǵysh baspahana ornalasqan úi aldynda saltanatty shara ótkizip, úige bas suǵyp, aralap kórdi. Qazir bul úide 1958 jyldan Rafael Dengizbaev esimdi azamat turady. Atyraý oblysynda dúniegen kelgen Rafael ata-ájesiniń baýyrynda ósken eken. Atasy Abdolla Tengizbaev baspahanada qyzmet jasaǵan. Baspahana ornalasqan úi sol qalpy saqtalǵan. Tek turýǵa qolaily bolýy úshin az ǵana jańǵyrtylǵan.
Qos gazettiń ǵasyrlyq mereitoiyna arnalǵan ekspeditsiia jalǵasýda.
Aidana Hamidýllina
