Qazaqstannyń keibir óńirindegi respondentterdiń pikirinshe jemqorlyqsyz másele sheshile bermeidi. Bul týraly «Transparency Kazakhstan» QQ atqarýshy direktory Olga Shiian Ortalyq kommýnikatsiialar qyzmetinde ótken brifingte aityp berdi, dep habarlaidy QazAqparat.
«Biz respondentterdi saýalnamaǵa qatystyra otyryp, olardyń óz óńirindegi sybailas jemqorlyq jaǵdaiyn qalai qabyldaitynyn da surap kórdik. Olar óziniń turǵylyqty jerinde jemqorlyqtyń azaiǵanyn nemese artqanyn qalai baǵalaitynyn suradyq. Halyq ishinde jemqorlyqtyń aýqymy artyp bara jatyr deitinder kóp. Tek bes oblystyń respondentteri jemqorlyq deńgeii men ol týraly áńgime shetten tys kóp aitylyp ketkenin jetkizdi», - dep atap ótti Olga Shiian.
Zertteý jumystary kórsetkendei, qalǵan oblystardaǵy respondentter jemqorlyqtyń baryn aityp, biraq oǵan iek artsa óz máselesin sheshýge bolatynyn bildirgen.
«Iaǵni, jemqorlyqsyz birde-bir másele sheshilmeidi degen paiym-pikirdegi óńirler de bar», - deidi sarapshy.
Sarapshy ortasha kórsetkish shyǵarylǵan kezde búkil elde sondai túsinik qalyptasqandai tendentsiia baiqalatynyn aitady. Alaida aimaqtardy bólip qaraǵanda halyqtyń paiym-pikiri ártúrli.
