قازاقستاننىڭ كەيبٸر ٶڭٸرٸندەگٸ رەسپوندەنتتەردٸڭ پٸكٸرٸنشە جەمقورلىقسىز مەسەلە شەشٸلە بەرمەيدٸ. بۇل تۋرالى «Transparency Kazakhstan» قق اتقارۋشى ديرەكتورى ولگا شييان ورتالىق كوممۋنيكاتسييالار قىزمەتٸندە ٶتكەن بريفينگتە ايتىپ بەردٸ, دەپ حابارلايدى قازاقپارات.
«بٸز رەسپوندەنتتەردٸ ساۋالناماعا قاتىستىرا وتىرىپ, ولاردىڭ ٶز ٶڭٸرٸندەگٸ سىبايلاس جەمقورلىق جاعدايىن قالاي قابىلدايتىنىن دا سۇراپ كٶردٸك. ولار ٶزٸنٸڭ تۇرعىلىقتى جەرٸندە جەمقورلىقتىڭ ازايعانىن نەمەسە ارتقانىن قالاي باعالايتىنىن سۇرادىق. حالىق ٸشٸندە جەمقورلىقتىڭ اۋقىمى ارتىپ بارا جاتىر دەيتٸندەر كٶپ. تەك بەس وبلىستىڭ رەسپوندەنتتەرٸ جەمقورلىق دەڭگەيٸ مەن ول تۋرالى ەڭگٸمە شەتتەن تىس كٶپ ايتىلىپ كەتكەنٸن جەتكٸزدٸ», - دەپ اتاپ ٶتتٸ ولگا شييان.
زەرتتەۋ جۇمىستارى كٶرسەتكەندەي, قالعان وبلىستارداعى رەسپوندەنتتەر جەمقورلىقتىڭ بارىن ايتىپ, بٸراق وعان يەك ارتسا ٶز مەسەلەسٸن شەشۋگە بولاتىنىن بٸلدٸرگەن.
«ياعني, جەمقورلىقسىز بٸردە-بٸر مەسەلە شەشٸلمەيدٸ دەگەن پايىم-پٸكٸردەگٸ ٶڭٸرلەر دە بار», - دەيدٸ ساراپشى.
ساراپشى ورتاشا كٶرسەتكٸش شىعارىلعان كەزدە بٷكٸل ەلدە سونداي تٷسٸنٸك قالىپتاسقانداي تەندەنتسييا بايقالاتىنىن ايتادى. الايدا ايماقتاردى بٶلٸپ قاراعاندا حالىقتىڭ پايىم-پٸكٸرٸ ەرتٷرلٸ.
