Qazaqstanda adamdardyń koronavirýs infektsiiasyn qaidan juqtyrǵanyn anyqtaityn epidemiolog-mamandar jetispei jatyr. Qazaqstannyń bas memlekettik sanitar dárigeri Aijan Esmaǵambetova osylai dedi, dep habarlaidy QazAqparat.
«Búgingi tańda Qazaqstannyń densaýlyq saqtaý salasynda 250 myńǵa jýyq meditsinalyq qyzmetker bar. Onyń 72 myńy - dáriger bolsa, 177 myńy - orta meditsinalyq personaldaǵy mamandar. Barlyq meditsinalyq uiymdaǵy epidemiologtar sany – 8 755. Sanitarlyq-epidemologiialyq profilde de 2500-ge jýyq maman bar», - dedi Aijan Esmaǵambetova OKQ-da onlain rejimde ótken baspasóz máslihatynda.
Qazaqstannyń bas memlekettik sanitar dárigeriniń aitýynsha, densaýlyq saqtaý salasynda Qazaqstanda 4 myńǵa jýyq dáriger jetispeidi.
«Eger naqty koronavirýsqa qatysty jaǵdaidy baian etsek, búgingi kúni koronavirýspen aýyrǵandardy emdeýge 16 myń meditsinalyq qyzmetker jumyldyrylǵan. Odan bólek, ár aýmaqta 1-20 paiyzǵa deiin kadrlyq rezerv jasaqtalǵan. Bul baǵytta meditsinalyq qyzmetkerlerdiń jetispeýshiligi joqtyǵyn habarlaǵym keledi. Dese de, epidemiologtar áli de tapshy. Naqtyraq aitqanda, koronavirýs infektsiiasyn adamdardyń qaidan juqtyryp alǵanyn anyqtaityn epidemiolog-mamandar jetispei jatyr. Bul rette 800 mamannyń defitsiti baryn aitýǵa bolady», - dedi ol.
