قازاقستاندا ادامداردىڭ كوروناۆيرۋس ينفەكتسيياسىن قايدان جۇقتىرعانىن انىقتايتىن ەپيدەميولوگ-ماماندار جەتٸسپەي جاتىر. قازاقستاننىڭ باس مەملەكەتتٸك سانيتار دەرٸگەرٸ ايجان ەسماعامبەتوۆا وسىلاي دەدٸ, دەپ حابارلايدى قازاقپارات.
«بٷگٸنگٸ تاڭدا قازاقستاننىڭ دەنساۋلىق ساقتاۋ سالاسىندا 250 مىڭعا جۋىق مەديتسينالىق قىزمەتكەر بار. ونىڭ 72 مىڭى - دەرٸگەر بولسا, 177 مىڭى - ورتا مەديتسينالىق پەرسونالداعى ماماندار. بارلىق مەديتسينالىق ۇيىمداعى ەپيدەميولوگتار سانى – 8 755. سانيتارلىق-ەپيدەمولوگييالىق پروفيلدە دە 2500-گە جۋىق مامان بار», - دەدٸ ايجان ەسماعامبەتوۆا وكق-دا ونلاين رەجيمدە ٶتكەن باسپاسٶز مەسليحاتىندا.
قازاقستاننىڭ باس مەملەكەتتٸك سانيتار دەرٸگەرٸنٸڭ ايتۋىنشا, دەنساۋلىق ساقتاۋ سالاسىندا قازاقستاندا 4 مىڭعا جۋىق دەرٸگەر جەتٸسپەيدٸ.
«ەگەر ناقتى كوروناۆيرۋسقا قاتىستى جاعدايدى بايان ەتسەك, بٷگٸنگٸ كٷنٸ كوروناۆيرۋسپەن اۋىرعانداردى ەمدەۋگە 16 مىڭ مەديتسينالىق قىزمەتكەر جۇمىلدىرىلعان. ودان بٶلەك, ەر اۋماقتا 1-20 پايىزعا دەيٸن كادرلىق رەزەرۆ جاساقتالعان. بۇل باعىتتا مەديتسينالىق قىزمەتكەرلەردٸڭ جەتٸسپەۋشٸلٸگٸ جوقتىعىن حابارلاعىم كەلەدٸ. دەسە دە, ەپيدەميولوگتار ەلٸ دە تاپشى. ناقتىراق ايتقاندا, كوروناۆيرۋس ينفەكتسيياسىن ادامداردىڭ قايدان جۇقتىرىپ العانىن انىقتايتىن ەپيدەميولوگ-ماماندار جەتٸسپەي جاتىر. بۇل رەتتە 800 ماماننىڭ دەفيتسيتٸ بارىن ايتۋعا بولادى», - دەدٸ ول.
