Respýblikalyq «Ana tili» basylymyna bergen suhbatynda Memleket basshysy Qasym-Jomart Toqaev halyqtyń qoldaýyn árdaiym sezinip otyrǵanyn málim etti, dep habarlaidy "Ult aqparat".
«Barshańyzǵa málim, Qazaqstan Prezidenti qyzmetin atqarǵan bir jyl ońai bolǵan joq. Atalǵan merzimdi asa kúrdeli synaqtardy eńsergen jyl dep aitýǵa bolady. Degenmen, men halyqtyń qoldaýyn árdaiym sezindim. Bul maǵan kúsh-jiger berip, memleket basqarý isin tabysty júrgizýime yqpal etti. Jyl boiy saiasi jáne ekonomikalyq salalar boiynsha kóptegen reformalar júzege asyryldy. Bul saiasat aldaǵy kezeńderde de jalǵasa beredi. Elimizdi odan ári jańǵyrtýǵa, damytýǵa qatysty ideialarym bar, ol ideialardy halyq is júzinde sezingenin qalaimyn», - dedi suhbatynda Qasym-Jomart Toqaev.
Prezident biz memleket retinde de, ult retinde de bir orynda toqtap qalmaýymyz kerektigin aityp ótti.
«Ondai jaǵdaida el toqyraýǵa ushyraidy. Onyń zardaby memlekettigimizge tiedi. Aýyr tiedi. Ashy da bolsa aitaiyn, biz – qazaqtar, osynaý almaǵaiyp kúrdeli álemde, túptep kelgende, eshkimge sonshalyqty qajet emespiz. Óz memleketimizge ǵana qajetpiz. Osy bir qarapaiym qaǵidany eshqashan esten shyǵarmaýymyz qajet. Álemdegi Qazaqstannyń jetistigin kóre almaityn, «mysyqtileý» saiasatkerler, tipti memleketter de bizden alystap ketken joq, mańaiymyzdan uzamai, ár qadamymyzdy baǵyp otyr. Sondyqtan elimizdi órkendetý, kórkeitý – tek qana óz qolymyzda. Bizdiń osyndai syndarly sátte qatelesýge esh qaqymyz da, quqymyz da joq. Jáne memleket qurýshy ult retinde bul máseleni birinshi kezekte ózimiz tereń sezinýimiz qajet. Óitkeni qazaq halqynyń taǵdyry tarih tarazysynda tur…», - dedi Memleket basshysy.
.jpeg)