Elimizde, saiasi tranzit protsessi júrip jatyr. Búginde Qazaqstandy tarihymyzdaǵy ekinshi Prezident basqaryp otyr. Bul - qoǵamdyq damýdaǵy durys, naqty qadam, progress. Degenmen, aldymyzda shym-shytyryǵy, shuǵyl burylystary mol, qubylmaly qoǵamdyq belester kútip turǵany anyq!
«Sanany turmys bileidi». Búgingi bizdiń turmysymyz qandai? Halyq qalai ómir súrip jatyr? Shyny kerek, halyqtyń turmysy óte aýyr!
Jumyssyz jastar, úi-kúisiz qazaq, azamattardyń áleýmettik deńgeii óte tómen! Elimizdegi eń tómen kún kóris mólsheri 29698 teńge, Armeniia men Moldovadan da tómen! 500 myńnan astam adam kedei! Al kedeilik deńgeige bizdiń Ókimet, «kúnine bir dollar tabatyn adamdy jatqyzady». Biriken Ulttar Uiymynyń standarttaryna sáikes, «kedei degenimiz kúnine 5 dollar» tabatyn adamdar. Iaǵni, bizdiń kedei «taqyr kedei» degen sóz!
Ekonomika da óte kúrdeli halde!
Elimizdiń syrtqy qaryzy 168 mlrd dollardan asty. Ótken bilik, búgingi «Nur-Otan» bilik partiiasy «bizde bári jaqsy» dep urandatyp júr... Eger, bizde barlyǵy jaqsy bolsa, nege osynshama soraqy?
Osynaý ádiletsizdiktiń túp tamyry nede?
Ádiletsizdiktiń, teńsizdiktiń eń negizgi sebebi, 28 jyl ishinde, «turaqtylyq qamtamassyz etemiz» degen syltaýmen, halyq saiasi protsessterden shettetildi.
Sonyń arqasynda, Parlament azamattardyń tynys-tirshiligin, bostandyǵyn, saiasi belsendiligin taryltyp, shekteitin:
«Sailaý» týraly;
«Aqparat týraly»;
«beibit jinalystar, mitingiler, sherýler» týraly zańdarǵa ózgerister eńgizý arqyly halyqty, qoǵamdy bilik kózinen shektep qoidy!
Osynaý jasalǵan qadamdardy, ótken bilik «elimizdegi saiasi turaqtylyqty saqtaýdyń ádisi» dep kórsetýge tyrysty. Jańa biliktiń jańa qadamy, demokratiialyq úrdistirdi qalypqa keltirýi kerek. Iaǵni, Halyqtyń biligi halyqqa qaitýy tiis.
Elimizdiń Ata-Zańy Konstitýtsiianyń 3-babynyń 1-pýnktinde «Memlekettik biliktiń birden-bir bastaýy - halyq» dep jazylǵan.
«Konstitýtsiia eń joǵarǵy kúshi bar zań. Respýblikanyń búkil aýmaǵynda tikelei qoldanylady».
Iaǵni, qoǵamdyq protsessterge tikelei qatysy bar Zańdar Konstitýtsiiaǵa sáikestenýi qajet. Saiasi «kún tártibiniń» negizgi máselesi - osy.
Erlan Sairovtyń feisbýktaǵy jazbasynan
