Úkimettiń keńeitilgen otyrysynda Ulttyq bank tóraǵasy Erbolat Dosaev ulttyq tólem júiesin tsifrlandyrýdyń qalai júrip jatqanyn baiandady, dep habarlaidy QazAqparat.
«Makroekonomikalyq damýdy qamtamasyz etý maqsatynda Ulttyq bank biylǵy birinshi jartyjyldyqta ishki naryqtaǵy turaqtylyqty qamtamasyz etti. Sizdiń tapsyrmańyz boiynsha «Jumyspen qamtý-2021» jol kartasyn iske asyrýǵa qosymsha 200 mlrd teńge bólindi», - degen Erbolat Dosaev tsifrlyq teńge engizý jóninde pilottyq joba daiyndalyp jatqanyn atady.
«Ulttyq qor men zeinettik qor aktivteri boiynsha oń kirister qamtamasyz etildi. Qarjy sektoryn tsifrlandyrý boiynsha belsendi jumys jalǵastyrylýda. Sizdiń tapsyrmańyz boiynsha qurylatyn ulttyq tólem júiesiniń tsifrlyq teńgeni engizý jónindegi pilottyq jobanyń daiyndalýy onyń mańyzdy quramdas bólikteri bolyp tabylady.
