ٷكٸمەتتٸڭ كەڭەيتٸلگەن وتىرىسىندا ۇلتتىق بانك تٶراعاسى ەربولات دوساەۆ ۇلتتىق تٶلەم جٷيەسٸن تسيفرلاندىرۋدىڭ قالاي جٷرٸپ جاتقانىن باياندادى, دەپ حابارلايدى قازاقپارات.
«ماكروەكونوميكالىق دامۋدى قامتاماسىز ەتۋ ماقساتىندا ۇلتتىق بانك بيىلعى بٸرٸنشٸ جارتىجىلدىقتا ٸشكٸ نارىقتاعى تۇراقتىلىقتى قامتاماسىز ەتتٸ. سٸزدٸڭ تاپسىرماڭىز بويىنشا «جۇمىسپەن قامتۋ-2021» جول كارتاسىن ٸسكە اسىرۋعا قوسىمشا 200 ملرد تەڭگە بٶلٸندٸ», - دەگەن ەربولات دوساەۆ تسيفرلىق تەڭگە ەنگٸزۋ جٶنٸندە پيلوتتىق جوبا دايىندالىپ جاتقانىن اتادى.
«ۇلتتىق قور مەن زەينەتتٸك قور اكتيۆتەرٸ بويىنشا وڭ كٸرٸستەر قامتاماسىز ەتٸلدٸ. قارجى سەكتورىن تسيفرلاندىرۋ بويىنشا بەلسەندٸ جۇمىس جالعاستىرىلۋدا. سٸزدٸڭ تاپسىرماڭىز بويىنشا قۇرىلاتىن ۇلتتىق تٶلەم جٷيەسٸنٸڭ تسيفرلىق تەڭگەنٸ ەنگٸزۋ جٶنٸندەگٸ پيلوتتىق جوبانىڭ دايىندالۋى ونىڭ ماڭىزدى قۇرامداس بٶلٸكتەرٸ بولىپ تابىلادى.
