Qazaqstanda barlyq tirkeýden ótken tiimdi, sapaly ári qoljetimdi vaktsina jappai vaktsinalaýǵa jiberiledi. Bul týraly QR Densaýlyq saqtaý vitse-ministri Ajar Ǵiniiat málim etti, dep habarlaidy QazAqparat.
«Qazaqstan halqyna ekpe saldyrý naýqany jappai bastalǵan ýaqytta saýalnama júrgizile me? Iaǵni qai vaktsinany tańdaityny surala ma?», - dep surady tilshi Ortalyq kommýnikatsiialar qyzmetindegi bastasóz máslihatynda.
Óz kezeginde vitse-ministr bul jaǵdai vaktsinanyń qoljetimdigine bailanysty ekenin aitty.
«Eger reseilik vaktsina («Spýtnik V») jaqsy óndiriske qoiylsa, sonymen qatar qazaqstandyq vaktsina da jetkilikti bolsa, onda ekpe saldyrýǵa kelgen adamdardyń ótinishin qarastyrýymyz múmkin. Qazirgi kezde qoljetimdi vaktsinaǵa bailanysty ekpe saldyrý júrip jatyr. Densaýlyq saqtaý ministri atap ótkendei, kóptegen elder osy vaktsinaǵa qol jetkize almai otyr. Sondyqtan biz barlyq tirkeýden ótken tiimdi, sapaly ári qoljetimdi vaktsinany saldyramyz», - dedi Ajar Ǵiniiat.
«Eger Pfizer kompaniiasynyń vaktsinasy bizdiń elge keletin bolsa, tolyq tekseristen ótedi. Onyń tiimdiligi tolyq zerdelenedi. Bizdiń elde bul vaktsina tirkeýden ótpedi», - dedi ol.
