قازاقستاندا بارلىق تٸركەۋدەن ٶتكەن تيٸمدٸ, ساپالى ەرٸ قولجەتٸمدٸ ۆاكتسينا جاپپاي ۆاكتسينالاۋعا جٸبەرٸلەدٸ. بۇل تۋرالى قر دەنساۋلىق ساقتاۋ ۆيتسە-مينيسترٸ اجار عينييات مەلٸم ەتتٸ, دەپ حابارلايدى قازاقپارات.
«قازاقستان حالقىنا ەكپە سالدىرۋ ناۋقانى جاپپاي باستالعان ۋاقىتتا ساۋالناما جٷرگٸزٸلە مە? ياعني قاي ۆاكتسينانى تاڭدايتىنى سۇرالا ما?», - دەپ سۇرادى تٸلشٸ ورتالىق كوممۋنيكاتسييالار قىزمەتٸندەگٸ باستاسٶز مەسليحاتىندا.
ٶز كەزەگٸندە ۆيتسە-مينيستر بۇل جاعداي ۆاكتسينانىڭ قولجەتٸمدٸگٸنە بايلانىستى ەكەنٸن ايتتى.
«ەگەر رەسەيلٸك ۆاكتسينا («سپۋتنيك V») جاقسى ٶندٸرٸسكە قويىلسا, سونىمەن قاتار قازاقستاندىق ۆاكتسينا دا جەتكٸلٸكتٸ بولسا, وندا ەكپە سالدىرۋعا كەلگەن ادامداردىڭ ٶتٸنٸشٸن قاراستىرۋىمىز مٷمكٸن. قازٸرگٸ كەزدە قولجەتٸمدٸ ۆاكتسيناعا بايلانىستى ەكپە سالدىرۋ جٷرٸپ جاتىر. دەنساۋلىق ساقتاۋ مينيسترٸ اتاپ ٶتكەندەي, كٶپتەگەن ەلدەر وسى ۆاكتسيناعا قول جەتكٸزە الماي وتىر. سوندىقتان بٸز بارلىق تٸركەۋدەن ٶتكەن تيٸمدٸ, ساپالى ەرٸ قولجەتٸمدٸ ۆاكتسينانى سالدىرامىز», - دەدٸ اجار عينييات.
«ەگەر Pfizer كومپانيياسىنىڭ ۆاكتسيناسى بٸزدٸڭ ەلگە كەلەتٸن بولسا, تولىق تەكسەرٸستەن ٶتەدٸ. ونىڭ تيٸمدٸلٸگٸ تولىق زەردەلەنەدٸ. بٸزدٸڭ ەلدە بۇل ۆاكتسينا تٸركەۋدەن ٶتپەدٸ», - دەدٸ ول.
