Endi halyqqa qyzmet kórsetý ortalyǵyna kezekti brondaý kezinde qyzmet alýshylar kezek alýǵa bolatyn bos ýaqytty kóre alady. Buryn bos oryn joqtyǵyna qaramastan, brondaý tiziminde barlyq ýaqyt kórsetiletin. Bul qyzmet alýshylar úshin qolaisyzdyq týǵyzyp, mázirden qaita shyǵyp, bos ýaqytty qaitadan izdeýge týra keletin, dep habarlaidy "Ult aqparat" «Azamattarǵa arnalǵan úkimet» KEAQ baspasóz qyzmetine silteme jasap.
Sonymen qatar Egov.kz portalynda kezekti qaita brondaýdyń jańa fýnktsiiasy iske qosyldy. Eger azamat aldyn ala jasaǵan brony boiynsha qandaida sebeptermen HQO-ǵa bara almasa, kezek ýaqytyn qaita belgilep, paidalanbaǵan bron ýaqytyn bosata alady.
Bir adamnyń birneshe ýaqyt aralyǵyn birden brondaý múmkindigi de shekteldi. Endi azamattar 10 kúnde bir ret qana bron jasai alady. Bul rette, HQO men avtoHQO-ǵa jasalǵan bron bólek-bólek eseptelmeidi, iaǵni qyzmet alýshy 10 kún ishinde HQO-ǵa da, mamandandyrylǵan HQO-ǵa da kezekti onlain qoia alady.
AvtoHQO-ǵa júginýshi azamattarǵa kólikti qaita tirketý qyzmeti qajet bolsa, bron kólikti satýshy azamattyń atynda bolý kerektigin eskertemiz.
Atalǵan sharalar brondaý servisindegi kezekti azaitýǵa jáne neǵurlym kóp azamattyń qyzmet alýyna jaǵdai jasady.
Atalǵan ózgertýlerdi «Azamattarǵa arnalǵan úkimet» memlekettik korporatsiiasynyń bastamasymen egov.kz portalynyń operatory – «Ulttyq aqparattyq tehnologiialar» AQ júzege asyrdy. Buǵan Azamattarǵa arnalǵan úkimetke qyzmet alýshylardan kelip túsken ótinishterdiń analizi men onlain túrde kezekke turýdy tehnikalyq jaqsartý qajettiligin anyqtaǵan fokýs-toptyń testileý nátijeleri negiz boldy.
Sondai-aq bir jumys kúni ishinde bir JSN iesi úshin qyzmetterdiń eki túrin brondaý múmkindigi jasaldy, olardyń biri qujattandyrý qyzmetimen bailanysty. Mysaly, eger buryn azamat bir kúnde bir ǵana qyzmet túrine bron jasai alsa, máselen, jeke kýálik qyzmeti boiynsha, endi sol kúni odan ózge qyzmet túrin alý múmkindigi bar.
Sonymen qatar, endi egov.kz qoldanýshylary elektrondyq úkimet portalyndaǵy jeke kabinetinde tapsyrys berilgen kezeginiń mártebesin kóre alady.
Esterińizge sala keteiik, tótenshe jaǵdai aiaqtalǵannan keiin Qazaqstannyń halyqqa qyzmet kórsetý ortalyqtarynda onlain túrde qoljetimsiz, tek «qaǵaz» júzinde kórsetiletin qyzmetterdi alýǵa bolady. Ol úshin HQO-ǵa kezek ýaqytyn aldyn ala egov.kz portaly nemese eGovKzBot2.0 telegram-boty arqyly brondaý kerek.
Bul azamattardyń kóptep jinalmaýy men virýsty juqtyrý qaýpin azaitýǵa baǵyttalǵan sharalar.
