ەندٸ حالىققا قىزمەت كٶرسەتۋ ورتالىعىنا كەزەكتٸ برونداۋ كەزٸندە قىزمەت الۋشىلار كەزەك الۋعا بولاتىن بوس ۋاقىتتى كٶرە الادى. بۇرىن بوس ورىن جوقتىعىنا قاراماستان, برونداۋ تٸزٸمٸندە بارلىق ۋاقىت كٶرسەتٸلەتٸن. بۇل قىزمەت الۋشىلار ٷشٸن قولايسىزدىق تۋعىزىپ, مەزٸردەن قايتا شىعىپ, بوس ۋاقىتتى قايتادان ٸزدەۋگە تۋرا كەلەتٸن, دەپ حابارلايدى "ۇلت اقپارات" «ازاماتتارعا ارنالعان ٷكٸمەت» كەاق باسپاسٶز قىزمەتٸنە سٸلتەمە جاساپ.
سونىمەن قاتار Egov.kz پورتالىندا كەزەكتٸ قايتا برونداۋدىڭ جاڭا فۋنكتسيياسى ٸسكە قوسىلدى. ەگەر ازامات الدىن الا جاساعان برونى بويىنشا قاندايدا سەبەپتەرمەن حقو-عا بارا الماسا, كەزەك ۋاقىتىن قايتا بەلگٸلەپ, پايدالانباعان برون ۋاقىتىن بوساتا الادى.
بٸر ادامنىڭ بٸرنەشە ۋاقىت ارالىعىن بٸردەن برونداۋ مٷمكٸندٸگٸ دە شەكتەلدٸ. ەندٸ ازاماتتار 10 كٷندە بٸر رەت قانا برون جاساي الادى. بۇل رەتتە, حقو مەن اۆتوحقو-عا جاسالعان برون بٶلەك-بٶلەك ەسەپتەلمەيدٸ, ياعني قىزمەت الۋشى 10 كٷن ٸشٸندە حقو-عا دا, مامانداندىرىلعان حقو-عا دا كەزەكتٸ ونلاين قويا الادى.
اۆتوحقو-عا جٷگٸنۋشٸ ازاماتتارعا كٶلٸكتٸ قايتا تٸركەتۋ قىزمەتٸ قاجەت بولسا, برون كٶلٸكتٸ ساتۋشى ازاماتتىڭ اتىندا بولۋ كەرەكتٸگٸن ەسكەرتەمٸز.
اتالعان شارالار برونداۋ سەرۆيسٸندەگٸ كەزەكتٸ ازايتۋعا جەنە نەعۇرلىم كٶپ ازاماتتىڭ قىزمەت الۋىنا جاعداي جاسادى.
اتالعان ٶزگەرتۋلەردٸ «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ باستاماسىمەن egov.kz پورتالىنىڭ وپەراتورى – «ۇلتتىق اقپاراتتىق تەحنولوگييالار» اق جٷزەگە اسىردى. بۇعان ازاماتتارعا ارنالعان ٷكٸمەتكە قىزمەت الۋشىلاردان كەلٸپ تٷسكەن ٶتٸنٸشتەردٸڭ اناليزٸ مەن ونلاين تٷردە كەزەككە تۇرۋدى تەحنيكالىق جاقسارتۋ قاجەتتٸلٸگٸن انىقتاعان فوكۋس-توپتىڭ تەستٸلەۋ نەتيجەلەرٸ نەگٸز بولدى.
سونداي-اق بٸر جۇمىس كٷنٸ ٸشٸندە بٸر جسن يەسٸ ٷشٸن قىزمەتتەردٸڭ ەكٸ تٷرٸن برونداۋ مٷمكٸندٸگٸ جاسالدى, ولاردىڭ بٸرٸ قۇجاتتاندىرۋ قىزمەتٸمەن بايلانىستى. مىسالى, ەگەر بۇرىن ازامات بٸر كٷندە بٸر عانا قىزمەت تٷرٸنە برون جاساي السا, مەسەلەن, جەكە كۋەلٸك قىزمەتٸ بويىنشا, ەندٸ سول كٷنٸ ودان ٶزگە قىزمەت تٷرٸن الۋ مٷمكٸندٸگٸ بار.
سونىمەن قاتار, ەندٸ egov.kz قولدانۋشىلارى ەلەكتروندىق ٷكٸمەت پورتالىنداعى جەكە كابينەتٸندە تاپسىرىس بەرٸلگەن كەزەگٸنٸڭ مەرتەبەسٸن كٶرە الادى.
ەستەرٸڭٸزگە سالا كەتەيٸك, تٶتەنشە جاعداي اياقتالعاننان كەيٸن قازاقستاننىڭ حالىققا قىزمەت كٶرسەتۋ ورتالىقتارىندا ونلاين تٷردە قولجەتٸمسٸز, تەك «قاعاز» جٷزٸندە كٶرسەتٸلەتٸن قىزمەتتەردٸ الۋعا بولادى. ول ٷشٸن حقو-عا كەزەك ۋاقىتىن الدىن الا egov.kz پورتالى نەمەسە eGovKzBot2.0 تەلەگرام-بوتى ارقىلى برونداۋ كەرەك.
بۇل ازاماتتاردىڭ كٶپتەپ جينالماۋى مەن ۆيرۋستى جۇقتىرۋ قاۋپٸن ازايتۋعا باعىتتالعان شارالار.
