Halyqaralyq jeńil atletika federatsiiasy 2020 jyldyń 6 sáýiri men 30 qarashasy aralyǵynda ótetin Olimpiadaǵa irikteý týrnirlerin toqtatty. Bul týraly sheshim Sportshylar komissiiasy jáne aimaqtyq uiym prezidentterimen kelisilgen soń qabyldandy, dep habarlaidy Olympic.kz.
Osy ýaqyt aralyǵynda qandai da bir jarystarda tirkelgen nátijeler Tokio-2020 oiyndaryna upai bermeidi jáne álemdik reitingterge enbeidi. Álemdegi jaǵdai rettelgen soń Olimpiadaǵa irikteý týrniri 2020 jyldyń 1 jeltoqsanynan bastalyp, 2021 jylǵy Olimpiada oiyndaryna deiin jalǵasady.
«Men osyndai qiyn kezeńde jumys atqarǵan barshańyzǵa rahmet aitamyn. Olimpiadaǵa irikteý týrniriniń ýaqytsha toqtatylýy sportshylardyń jańadan kúsh jinaýyna kómektesedi. Qazir bar álem shekarasyn qymtap jatqan shaqta týrnir ótkizý qiyn», - deidi federatsiia basshysy Sebastian Koe.
