حالىقارالىق جەڭٸل اتلەتيكا فەدەراتسيياسى 2020 جىلدىڭ 6 سەۋٸرٸ مەن 30 قاراشاسى ارالىعىندا ٶتەتٸن وليمپياداعا ٸرٸكتەۋ تۋرنيرلەرٸن توقتاتتى. بۇل تۋرالى شەشٸم سپورتشىلار كوميسسيياسى جەنە ايماقتىق ۇيىم پرەزيدەنتتەرٸمەن كەلٸسٸلگەن سوڭ قابىلداندى, دەپ حابارلايدى Olympic.kz.
وسى ۋاقىت ارالىعىندا قانداي دا بٸر جارىستاردا تٸركەلگەن نەتيجەلەر توكيو-2020 ويىندارىنا ۇپاي بەرمەيدٸ جەنە ەلەمدٸك رەيتينگتەرگە ەنبەيدٸ. ەلەمدەگٸ جاعداي رەتتەلگەن سوڭ وليمپياداعا ٸرٸكتەۋ تۋرنيرٸ 2020 جىلدىڭ 1 جەلتوقسانىنان باستالىپ, 2021 جىلعى وليمپيادا ويىندارىنا دەيٸن جالعاسادى.
«مەن وسىنداي قيىن كەزەڭدە جۇمىس اتقارعان بارشاڭىزعا راحمەت ايتامىن. وليمپياداعا ٸرٸكتەۋ تۋرنيرٸنٸڭ ۋاقىتشا توقتاتىلۋى سپورتشىلاردىڭ جاڭادان كٷش جيناۋىنا كٶمەكتەسەدٸ. قازٸر بار ەلەم شەكاراسىن قىمتاپ جاتقان شاقتا تۋرنير ٶتكٸزۋ قيىن», - دەيدٸ فەدەراتسييا باسشىسى سەباستيان كوە.
