Halyqaralyq Túrki Akademiiasy IÚ Eýraziialyq halyqaralyq kitap kórme-jármeńkesine qatysty, dep habarlaidy "Ult aqparat" akademiianyń baspasóz qyzmetine silteme jasap.
«Biyl Túrki Akademiiasy Qazaqstan Jazýshylar odaǵymen birigip, atalǵan kórmede manasshy Mergenbai Mederov jyrlaǵan «Manas» eposynyń, Shyńǵys Aitmatovtyń «Balalyq shaq» shyǵarmasynyń, sonymen qatar tanymal qyrǵyz jazýshysy, Qyrǵyzstan prezidentiniń keńesshisi Sultan Raevtyń «Janjaza» romany men «Qazirgi qyrǵyz poeziiasy» sekildi kitaptardy tanystyrdy» delingen habarlamada.
Is-sharaǵa jazýshy, dramatýrg, Qyrǵyz Respýblikasy Prezidentiniń keńesshisi Sultan Raev, Halyqaralyq Túrki Akademiiasynyń prezidenti Darhan Qydyráli, Qyrǵyzstan Respýblikasynyń Qazaqstan Respýblikasyndaǵy Tótenshe jáne Ókiletti elshisi Jeenbek Qulybaev, QR memlekettik syilyǵynyń laýreaty, Qazaqstan Jazýshylar Odaǵy basqarmasynyń tóraǵasy, aqyn Ulyqbek Esdáýlet qatysty. Halyqaralyq Túrki akademiiasy Qyrǵyzstanmen mádeni-rýhani bailanysty júieli túrde nyǵaityp keledi.
Aita keteiik, Halyqaralyq Túrki Akademiiasy osy ýaqytqa deiin 140-qa jýyq kitapty basyp shyǵarǵan. Ótken jyly akademiianyń uiytqy bolýymen 28 kitap jaryq kórdi.
