2045 jylǵa qarai iadrolyq qarýdan azat álemge qol jetkizý maqsatyna jetýge bolady jáne oǵan múddeli taraptardyń, sonyń ishinde azamattyq qoǵam ókilderi men iadrolyq derjavalardyń úkimetteriniń keń aýqymdy qatysýy qajet. Bul týraly «Parlamentariiler iadrolyq qarýdy taratpaý jáne qarýsyzdaný úshin» úkimettik emes halyqaralyq uiymy uiymdastyrǵan «Maqsat 2045: Iadrolyq qarýdy joiýǵa birlesip shaqyrý» arnaiy vebinarynyń qatysýshylary málimdedi, dep habarlaidy "Ult aqparat" QR SIM baspasóz qyzmetine silteme jasap.
Onlain formatta ótken is-sharaǵa Qazaqstannyń BUU janyndaǵy Turaqty ókili Maǵjan Iliiasov, Parlamentaralyq odaqtyń qurmetti tóraǵasy, «Parlamentariiler iadrolyq qarýdy taratpaý jáne qarýsyzdaný úshin» qaýymdastyǵynyń quryltaishysy Saber Choýdhýri, «IDN-InDepthNews» halyqaralyq aqparattyq agenttiginiń basqarma tóraǵasy jáne bas redaktory Ramesh Djaýra, sondai-aq eki júzden astam sheteldik memleketterdiń ókilderi men iadrolyq qarýsyzdaný salasyndaǵy sarapshylar qatysty.
Qatysýshylar iadrolyq qarýdy tolyǵymen joiýdyń maqsatty kúni retinde BUU-nyń qurylǵanyna 100 jyl tolýynyń 2045 jylynyń saiasi saldaryn qarastyrdy. BUU-nyń júz jyldyǵynda iadrolyq qarýsyz álemge qol jetkizýdiń mańyzdylyǵy týraly ideiany Qazaqstannyń Tuńǵysh Prezidenti – Elbasy Nursultan Nazarbaev Niý-Iorkte BUU Bas Assambleiasynyń 70-sessiiasynda alǵash ret aitqandyǵy atap ótildi.
«Bul maqsatqa jetýge bolady. Jetkilikti batyldyqpen, azamattyq qoǵamnyń, buqaralyq aqparat quraldarynyń, ǵalymdardyń, parlamentshilerdiń jáne iadrolyq derjavalar úkimetteriniń qatysýymen biz bul ekzistentsialdy qaýipten - qarai iadrolyq qarýdan 2045 jylǵa, múmkin odan da erterek qutyla alamyz», - dedi Saber Choýdhýri.
Qazaqstannyń BUU janyndaǵy Turaqty ókili óz sózinde N.Nazarbaev iadrolyq qarýdy joiýdy HHI ǵasyrdaǵy adamzattyń eń mańyzdy jáne shuǵyl mindeti dep ataǵanyn atap ótti. Elbasynyń Semei poligonyn jaýyp, álemdegi tórtinshi iadrolyq arsenaldan bas tartý týraly sheshimi jahandyq iadrolyq synaqtarǵa tyiym salýǵa jáne Iadrolyq synaqtarǵa jappai tyiym salý týraly shartty qabyldaýǵa serpin berdi.
«2045 jylǵa qarai álemdi iadrolyq qarýdan aryltý úshin biz qazirden bastap áreket etýimiz kerek, Qazaqstan álemniń barlyq elderin, úkimettik emes uiymdardy, azamattyq belsendilerdi, buqaralyq aqparat quraldaryn bizdiń kúsh-jigerimizdi biriktirýge, 2045 jyldy anyqyraq etýge shaqyrady», - dep atap ótti M.Iliiasov.
Qazaqstannyń Tuńǵysh Prezidentiniń basqa da syrtqy saiasi bastamalary, onyń ishinde jahandyq iadrolyq qaýipsizdik jónindegi Sammitterdi jalǵastyrý múmkindigi talqylandy. Iadrolyq qarýdy tolyǵymen joiý - bul iadrolyq qarýdy qoldaný nemese qoldaný qaýipine qarsy jalǵyz absoliýtti kepildik ekeni málim etildi.
Vebinarǵa qatysýshylar Qazaqstannyń jahandyq iadrolyq qarýsyzdaný salasyndaǵy kúsh-jigerin joǵary baǵalady, jastardy halyqaralyq antiiadrolyq qozǵalysqa kóbirek tartýdyń mańyzdylyǵyna toqtaldy jáne 2045 jylǵa deiin iadrolyq qarýsyz álemge qol jetkizý boiynsha usynystar ázirleý úshin osyndai taqyryptyq pikirtalastar seriiasyn jalǵastyrýǵa kelisti.
Buǵan deiin, 2020 jyldyń 2 qazanynda Qazaqstan Syrtqy ister ministri Muhtar Tileýberdi BUU Bas Assambleiasynyń 75-sessiiasynyń sheńberinde Iadrolyq qarýdy joiýdyń halyqaralyq kúnine arnalǵan joǵary deńgeidegi forýmda sóz sóilep, is-sharaǵa qatysýshylarǵa Elbasynyń BUU júzjyldyǵyna deiin iadrolyq qarýdan tolyqtai bas tartýǵa shaqyrýyn eske salǵan edi.
