S&P Global Ratings halyqaralyq reiting agenttigi qazaqstandyq ForteBank reitingisin «kzBBB» ulttyq shkalasy boiynsha «B + / B» deńgeiine jetkenin rastady, boljam turaqty qalypta.
S&P agenttigi sarapshylarynyń pikirinshe, reitingilerdiń rastalýy banktiń kapitaly men ótimdilik rezervi qazirgi álemdik ekonomikalyq quldyraý kezinde, COVID-19 pandemiiasynan jáne munai baǵasynyń tómendeýinen týyndaǵan Qazaqstandaǵy qolaisyz jumys ortasynyń qysymyna tótep beretindigin baiqatady.
«ForteBank-tyń ótimdiligi turaqty dep esepteledi, bul onyń balansynda ótimdi aktivterdiń kóp mólsherde ekenin kórsetedi. Sonymen qatar, ForteBank basshylyǵy jergilikti naryqty jaqsy biledi dep sanaimyz. Tiisinshe, bul basqarý tásilderi qolaisyz ekonomikalyq jaǵdaida da bankti basqarýǵa kómektesedi», - deidi halyqaralyq uiymnyń ókilderi.
ForteBank basqarmasynyń tóraǵasy Gýram Andronikashvilidiń sózine qaraǵanda, qarjy mekemesiniń ujymy S&P sarapshylarynyń bankke degen senimderin kórsetip, banktiń reitingin qazirgi deńgeide rastaǵanyna qýanyshty.
«Pandemiiamen bailanysty quldyrai túsken naryqtyq jaǵdailarǵa qaramastan, ForteBank joǵary tiimdilik pen oń qarjylyq jáne operatsiialyq nátijelerdi saqtap keledi. Qarjylyq kórsetkishter bizdiń klientterimizdiń bankke degen senimin aiǵaqtaidy. Forte toby bizdiń klientterimiz kúndelikti qoldanatyn jańa sandyq ónimder men qyzmetterdi jasaý úshin únemi izdenis ústinde bolady», - deidi basqarma tóraǵasy.
