Memleket basshysy Qasym-Jomart Toqaevtyń atyna Halyqaralyq Qyzyl Krest komitetiniń prezidenti (HQKK) Peter Maýrerdiń quttyqtaý haty kelip tústi. Onda qazaqstandyq 14 balany Iraktan qaitarý gýmanitarlyq operatsiiasynyń sátti ótkeni týraly aitylǵan, – dep habarlaidy Aqordanyń baspasóz qyzmeti.
«Osyndai kúrdeli máselelerdi sheshý isinde Qazaqstannyń «Jýsan» operatsiiasyn tabysty jalǵastyryp otyrǵany búkil álemge úlgi bolýy tiis» dep jazǵan qaiyrymdylyq uiymynyń basshysy.
Peter Maýrerdiń hatynda repatriatsiia jáne reintegratsiia máselelerinde Qazaqstan men Halyqaralyq Qyzyl Krest komiteti arasyndaǵy yqpaldastyqty nyǵaitý, qaqtyǵys aimaǵynan oralǵan otbasy múshelerin qaýyshtyrý jáne adamdarǵa psihologiialyq qoldaý kórsetý qajettigi aitylǵan.
«Halyqaralyq Qyzyl Krest komiteti óz mandaty aiasynda jáne gýmanitarlyq maqsatta Qazaqstan Úkimetine qoldaý kórsetýge daiyn. Taiaý Shyǵystaǵy qaqtyǵystarǵa qatysy bar ustalǵan adamdarmen jolyǵyp, pikir almasýǵa qýanyshty bolar edik. Biz Nur-Sultan nemese Almaty qalalarynda atalǵan kúrdeli másele jóninde tájiribe almasý úshin osyndai problemaǵa tap bolǵan basqa elderdiń ókilderimen kezdesýler uiymdastyrýdy usynamyz», – dep jazylǵan P.Maýrerdiń hatynda.
