foto: sm-news.ru
Jenevadaǵy BUU bólimshesinde Qazaqstannyń túrmelerde azaptaý men qatigez qarym-qatynasqa qarsy kúres jumystarynyń tanystyrylymy ótti, dep habarlaidy Ult.kz, BAQ.KZke silteme jasap.
24.kz habarlaýynsha, bul arnaiy shara BUU-nyń ámbebap merzimdi sholý aiasynda Qazaqstannyń Ulttyq baiandamasyn qorǵaý aldynda ótti.
Qazaqstanda azaptaý boiynsha qylmystyq jaýapkershilikke qatysty jeke bap engizildi. Bul bap taraptardyń tatýlasýyn, shartty túrde merziminen buryn bosatýdy, raqymshylyqty jáne qylmystyq jaýapkershiliktiń eskirý merzimin qarastyrmaidy. Buryn mundai qylmystar úshin aiyppul, 5 jylǵa deiin bas bostandyǵynan shekteý nemese aiyrý, al jábirlenýshi qaitys bolǵan jaǵdaida 10 jylǵa deiin bas bostandyǵynan aiyrý qarastyrylǵan bolsa, qazir bul qylmystar úshin jaza 12 jylǵa deiin bas bostandyǵynan aiyrýǵa kúsheitildi.
Is-sharany ashý barysynda Qazaqstannyń Adam quqyqtary jónindegi ýákili Artýr Lastaev Qazaqstannyń bul jumysta nóldik tózimdilik printsipin ustanatynyn erekshe atap ótti.
“Azaptaýlardy tergeý boiynsha erekshe ókilettigi bar bir ǵana memlekettik organ – prokýratýra anyqtaldy. Ekinshiden, 45 myńnan astam kamera jabyq mekemelerge ornatyldy. Úshinshiden, túrme meditsinasy Ishki ister ministrliginen Densaýlyq saqtaý ministrligine berildi. Sondai-aq ulttyq-klinikalyq protokolymyz Stambul printsipterine sáikestendirildi. Onda kez kelgen dene jaraqatyn dereý tirkep, quqyq qorǵaý organdaryna, iaǵni prokýratýra organdaryna habarlaý talap etiledi”, - dedi Qazaqstannyń Adam quqyqtary jónindegi ýákili Artýr Lastaev.
2023 jyly osyndai aryzdardyń sany eki ese azaiyp, 920-dan 462-ge tústi, al ótken jyly bul kórsetkish 193 shaǵymǵa deiin qysqardy. Sońǵy bes jylda azaptaý úshin 165 laýazymdy tulǵa qylmystyq jaýapkershilikke tartyldy, olardyń kópshiligi quqyq qorǵaý organdarynyń burynǵy qyzmetkerleri. Onyń ishinde 144 adam bas bostandyǵynan aiyryldy.
“Tanystyrylym maǵan óte qyzyqty boldy. Qazaqstannyń azamattyq qoǵamy óz institýttaryn nyǵaitýǵa tyrysyp jatqanyn bildik, bul kez kelgen reforma úshin óte mańyzdy. Azaptaýlarǵa qarsy kúres salasyndaǵy oń statistika da qýantady. Bul bir ǵana shara emes, jalpy oń nátijege yqpal etken sharalardyń úilesimi”, - deidi Eýropalyq qoǵamdyq quqyq uiymy delegatsiiasynyń basshysy Georgii Papadatos.
