Parlament Májilisi "Qazaqstan Respýblikasy men Halyqaralyq qaita qurý jáne damý banki arasyndaǵy Qaryz týraly kelisimdi ratifikatsiialaý týraly" zań jobasyn maquldady, dep habarlaidy Sputnik Qazaqstan.
Vitse-premer – qarjy ministri Erulan Jamaýbaevtyń aitýynsha, biyl shildede 345,7 mln eýro qaryz týraly kelisimge 24 tamyzda qol qoiyldy.
"Qaryz tolyǵymen biýdjet tapshylyǵyn qarjylandyrýǵa baǵyttalady. Qarajat respýblikalyq biýdjette kózdelgen áleýmettik jáne basqa da basymdy maqsattarǵa arnalǵan qarjyny qosa alǵanda, jalpy biýdjet shyǵystaryn qoldaýǵa múmkindik beredi", - dedi Jamaýbaev Májilis otyrysynda.
Dúniejúzilik banktiń qaryzy Qazaqstanǵa 2,5 jyldyq jeńildik kezeńimen jáne 11,5 jyl óteý merzimine beriledi.
Syiaqy mólsherlemesi Eýribor+ainymaly spred, birjolǵy komissiia qaryz somasynyń 0,25 %-in, rezervke qoiǵany úshin komissiia qaryz qarajatynyń igerilmegen qaldyǵyna jyldyq 0,25%-ti quraidy.
Aqsha Qaryz týraly kelisim kúshine engennen keiin biryńǵai transh túrinde bólinedi.
