Foto: Antikor
Antikor basshysynyń burynǵy orynbasary Maqsat Qojabaevtyń inisi, halyqaralyq izdeýde júrgen Dáýrenbek Qojabaev ustaldy.
— Shymkent qalalyq sybailas jemqorlyqqa qarsy is-qimyl departamenti bastyǵynyń burynǵy orynbasary Ulttyq qaýipsizdik komiteti men jemqorlyqpen kúres qyzmetkerleriniń úilesimdi is-qimylynyń arqasynda ustalyp, tergeý izoliatoryna qamaldy, — dep atap ótti Sybailas jemqorlyqqa qarsy is-qimyl agenttiginen.
46 jastaǵy kúdikti iri kólemde para aldy degen kúdikke ilinip, izdeý jariialanǵan edi. Ol Shymkent qalasyndaǵy mektepterdiń biriniń direktoryn qylmystyq jaýapkershilikten bosatqany úshin para alǵan bolýy múmkin. Tergeý barysynda Qojabaevtyń qaida ekenin aitqan adamǵa syiaqy jariialanyp, esimi qupiia bolatynan kepildik berildi.
Esterińizge sala ketsek, byltyr aǵasy Maqsat Qojabaev para alǵany úshin 5,5 jylǵa bas bostandyǵynan airyldy.
