Halyqaralyq «Altyn saqa» animatsiialyq filmder festivali óz máresine jetti. «Túrkistan - Túrki áleminiń mádeni astanasy» jyly aiasynda uiymdastyrylǵan sharanyń jabylý saltanatynda festival jeńimpazdary marapattaldy, dep habarlaidy Ult.kz tilshisi QazAqparat agenttigine silteme jasap.
Qyrǵyzstan, Ózbekstan, Túrkiia, Ázerbaijan, Iakýtiia, Altai, Bashqurtstan jáne Qazaqstan Respýblikasynyń animatorlary qatysqan sharaǵa patriottyq rýhty kóterýge arnalǵan 21 film usynylǵan bolatyn. Qazylar alqasynyń sheshimimen Almaty qalasynyń animatory Abai Ábildanyń «Ottan jaralǵandar» filmi bas júldege ie boldy. Júldeli birinshi oryndy Ózbekstan Respýblikasynyń animatory Dmitrii Vlasov «Gonchar» qiial-ǵajaiyp ertegisimen alsa, ekinshi orynǵa Túrkiia memleketinen kelgen Arif Osmanoglýnyń «Teńiz qaraqshylary» filmi laiyq dep tanyldy.
Sonymen qatar, Qyrǵyzstan Respýblikasynyń qatysýshylary aǵaiyndy Asanbek, Ýsanbek Altynbaevtardyń «Pervyi kamen» jəne «Jizn» týyndylary da ekinshi oryn aldy. Al, Almatylyqtardyń «Maqtanshaq qyz» animatsiialyq filmi men Saha Respýblikasynyń qatysýshysy Konstantin Timofeevtiń «Alaa Mogýs» filmi jáne Shymkenttik Aimahan Muratbekovtyń «Qazaqstan brendi» filmderi úshinshi orynǵa turaqtady.
Budan bólek, Túrkiialyq Nýrillah Ienihannyń «Qojanasyr» filmi «Úzdik televiziialyq joba», almatylyq Səlimǵali Myrzashevtyń «Baiqońyr» balalar filmi «Úzdik stsenarii», shymkenttik 8 jasar jas daryn Sofiia Chmýldiń «Mamontenok ishet mamý» filmderi «Eń jas animator» arnaiy júldelerin aldy.
Altai Respýblikasynan kelgen Anastasiia Maijegishevanyń «V serdtse», Shymkent qalasynan kelgen Ońlasyn Bóribekovtiń «Ápendiniń álegi», Astana qalasynan kelgen Saltanat Ersultannyń «Arman» animatsiialyq filmderi yntalandyrý júldelerine ie boldy.
Aita keteiik, Elbasy N.Á.Nazarbaevtyń «Bolashaqqa baǵdar: rýhani jańǵyrý» atty maqalasy negizinde uiymdastyrylǵan festival túrkitildes memleketter arasyndaǵy mádeniet pen óner yntymaqtastyǵyn jáne dostastyǵyn nyǵaitý maqsatynda ótkizilgen bolatyn.
