حالىقارالىق «التىن ساقا» انيماتسييالىق فيلمدەر فەستيۆالٸ ٶز مەرەسٸنە جەتتٸ. «تٷركٸستان - تٷركٸ ەلەمٸنٸڭ مەدەني استاناسى» جىلى اياسىندا ۇيىمداستىرىلعان شارانىڭ جابىلۋ سالتاناتىندا فەستيۆال جەڭٸمپازدارى ماراپاتتالدى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
قىرعىزستان, ٶزبەكستان, تٷركييا, ەزەربايجان, ياكۋتييا, التاي, باشقۇرتستان جەنە قازاقستان رەسپۋبليكاسىنىڭ انيماتورلارى قاتىسقان شاراعا پاتريوتتىق رۋحتى كٶتەرۋگە ارنالعان 21 فيلم ۇسىنىلعان بولاتىن. قازىلار القاسىنىڭ شەشٸمٸمەن الماتى قالاسىنىڭ انيماتورى اباي ەبٸلدانىڭ «وتتان جارالعاندار» فيلمٸ باس جٷلدەگە يە بولدى. جٷلدەلٸ بٸرٸنشٸ ورىندى ٶزبەكستان رەسپۋبليكاسىنىڭ انيماتورى دميتريي ۆلاسوۆ «گونچار» قييال-عاجايىپ ەرتەگٸسٸمەن السا, ەكٸنشٸ ورىنعا تٷركييا مەملەكەتٸنەن كەلگەن اريف وسمانوگلۋنىڭ «تەڭٸز قاراقشىلارى» فيلمٸ لايىق دەپ تانىلدى.
سونىمەن قاتار, قىرعىزستان رەسپۋبليكاسىنىڭ قاتىسۋشىلارى اعايىندى اسانبەك, ۋسانبەك التىنباەۆتاردىڭ «پەرۆىي كامەن» جəنە «جيزن» تۋىندىلارى دا ەكٸنشٸ ورىن الدى. ال, الماتىلىقتاردىڭ «ماقتانشاق قىز» انيماتسييالىق فيلمٸ مەن ساحا رەسپۋبليكاسىنىڭ قاتىسۋشىسى كونستانتين تيموفەەۆتٸڭ «الاا موگۋس» فيلمٸ جەنە شىمكەنتتٸك ايماحان مۇراتبەكوۆتىڭ «قازاقستان برەندٸ» فيلمدەرٸ ٷشٸنشٸ ورىنعا تۇراقتادى.
بۇدان بٶلەك, تٷركييالىق نۋريللاح يەنيحاننىڭ «قوجاناسىر» فيلمٸ «ٷزدٸك تەلەۆيزييالىق جوبا», الماتىلىق سəلٸمعالي مىرزاشەۆتىڭ «بايقوڭىر» بالالار فيلمٸ «ٷزدٸك ستسەناريي», شىمكەنتتٸك 8 جاسار جاس دارىن سوفييا چمۋلدٸڭ «مامونتەنوك يششەت مامۋ» فيلمدەرٸ «ەڭ جاس انيماتور» ارنايى جٷلدەلەرٸن الدى.
التاي رەسپۋبليكاسىنان كەلگەن اناستاسييا مايجەگيشەۆانىڭ «ۆ سەردتسە», شىمكەنت قالاسىنان كەلگەن وڭلاسىن بٶرٸبەكوۆتٸڭ «ەپەندٸنٸڭ ەلەگٸ», استانا قالاسىنان كەلگەن سالتانات ەرسۇلتاننىڭ «ارمان» انيماتسييالىق فيلمدەرٸ ىنتالاندىرۋ جٷلدەلەرٸنە يە بولدى.
ايتا كەتەيٸك, ەلباسى ن.ە.نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسى نەگٸزٸندە ۇيىمداستىرىلعان فەستيۆال تٷركٸتٸلدەس مەملەكەتتەر اراسىنداعى مەدەنيەت پەن ٶنەر ىنتىماقتاستىعىن جەنە دوستاستىعىن نىعايتۋ ماقساتىندا ٶتكٸزٸلگەن بولاتىن.
