S&P halyqaralyq reiting agenttigi Qazaqstannyń táýelsiz kredittik reitingin «VVV» deńgeiinde, «Turaqty» boljamymen rastady. Bul týraly Ulttyq ekonomika ministrliginiń baspasóz qyzmeti habarlaidy.
Qazaqstannyń reitingin qoldaityn negizgi faktor - memlekettiń myqty balansy, sondai-aq 2022 jylǵa deiingi sarapshylardyń boljamyndaǵy syrtqy qaryzdan asatyn ótimdi aktivter.
Sarapshylar 2019-2022 jyldary ekonomikalyq belsendiliktiń ortasha eseppen 3% deńgeiinde ósýin boljap otyr. Bul memlekettik baǵdarlamalarǵa jáne óndirýshi salanyń ósýine bailanysty.
Sondai-aq, S&P sarapshylarynyń boljamy boiynsha, jańa salyq kodeksiniń arqasynda memlekettik kiris birtindep artady. Salyq kodeksi teńgerimsizdikti azaityp, salyq bazasyn ulǵaita otyryp jáne qazynanyń shoǵyrlanýyna áser etip, erekshe jaǵdailar men artyqshylyqtardy ońtailandyrý arqyly kiristerdi molaitady.
Budan basqa, teńgeniń turaqtandyrylýy, sondai-aq QR Ulttyq banki ótkizgen túrli sharanyń nátijesinde ekonomikany dollarsyzdandyrý jalǵastyrylady.
«Turaqty» boljamy S&P boljamyn aiqyndaidy: aldaǵy eki jylda memlekettik jáne syrtqy balanstar turaqty bolady.
