Aqynnyń tańǵy saǵat 04:00 shamasynda Qaskeleńdegi úiinde aýyr naýqastan qaitys bolǵanyn Jazýshylar odaǵy tóraǵasynyń orynbasary Qasymhan Begmanov habarlady.
Israil Saparbai – Qazaqstannyń halyq jazýshysy, «Platinaly Tarlan» syilyǵynyń laýreaty, názik lirikasymen tanylǵan aqyn, dramatýrg ári talantty kompozitor.
Mádeniet jáne aqparat ministri Aida Balaeva halyq jazýshysy Israil Saparbaidyń qaitys bolýyna bailanysty kóńil aitty.
«Israil aǵamyz – názik lirikasymen, syrly da sazdy jyrlarymen qazaq poeziiasynda óz órnegin qaldyrǵan erekshe tulǵa edi. Onyń óleńi – eldiń úni, áni – halyqtyń júregine ainaldy», – dep jazdy ministr.
Israil Saparbai 1941 jyly 15 mamyrda Ózbekstan Samarqand oblysy Kýshrabad aýdanynda dúniege kelgen.
Shymkent pedogogikalyq institýtynyń filologiia fakýltetin bitirgen soń birneshe jyl «Ońtústik Qazaqstan» gazetinde jumys istegen.
1973—1975 jyldary Almaty Joǵary partiia mektebin bitirdi.
1976—1983 jyldary Qazaqstan Jazýshylar odaǵynyń Shymkent oblysaralyq bólimshesinde ádebi keńesshi qyzmetin atqaryl, 1983 jyly «Jalyn» baspasyna aǵa redaktorlyqqa aýysqan.
1984 — 1985 jyldary «Qazaq ádebieti» gazetinde poeziia bóliminiń meńgerýshisi
1985 — 1992 jyldary «Jazýshy» baspasynda poeziia bóliminiń meńgerýshisi, odan soń «Qazaqfilm» telestýdiiasy bas redaktorynyń orynbasary
1997 — 1998 jyldary Syrtqy ister ministrliginiń TMD elderi boiynsha Departamentiniń I hatshysy
1998 — 1999 jyldary Ózbekstan Respýblikasyndaǵy Qazaqstan elshiliǵinde II hatshy qyzmetterin atqardy. Alǵash bir top óleńderi 1975 jyly « Kóktem tynysy» ujymdyq jinaǵyn-da jaryq kórdi. Respýblikalyq «Jalyn» báigesiniń júldegeri. 70-ke tarta ánder men 150-ge tarta án mátinderiniń avtory. «Aýyldan kelgen arý», «Ámir-Temir», Abai-Toǵjan», «Syǵai serenadasy», «Mahabbat meiramy» pesalary teatr sahnasynda qoiylyp júr.
Shyǵarmalary
Aqqý arman. A., «Jalyn», 1976; Raýshan ǵumyr», A., «Jalyn», 1978; Bozqaraǵan. A., «Jalyn», 1980; Qyzyl-jasyl dúnie. A., «Jalyn», 1984; Júregime uia salǵan qarlyǵash. Óleńder. A., «Jalyn», 1986; Qyzyl jel. Óleńder. A., «Jalyn», 1998; Ǵashyqtyń tili. Óleńder, A.; Barmaqtai baq. Óleńder. A., «Raýan»; Mahabbat pen Ǵadaýat. Óleńder. A., «Atamura»; Tar tósekte tósińdi. A., «Dala».
