اقىننىڭ تاڭعى ساعات 04:00 شاماسىندا قاسكەلەڭدەگٸ ٷيٸندە اۋىر ناۋقاستان قايتىس بولعانىن جازۋشىلار وداعى تٶراعاسىنىڭ ورىنباسارى قاسىمحان بەگمانوۆ حابارلادى.
يسرايل ساپارباي – قازاقستاننىڭ حالىق جازۋشىسى, «پلاتينالى تارلان» سىيلىعىنىڭ لاۋرەاتى, نەزٸك ليريكاسىمەن تانىلعان اقىن, دراماتۋرگ ەرٸ تالانتتى كومپوزيتور.
مەدەنيەت جەنە اقپارات مينيسترٸ ايدا بالاەۆا حالىق جازۋشىسى يسرايل ساپاربايدىڭ قايتىس بولۋىنا بايلانىستى كٶڭٸل ايتتى.
«يسرايل اعامىز – نەزٸك ليريكاسىمەن, سىرلى دا سازدى جىرلارىمەن قازاق پوەزيياسىندا ٶز ٶرنەگٸن قالدىرعان ەرەكشە تۇلعا ەدٸ. ونىڭ ٶلەڭٸ – ەلدٸڭ ٷنٸ, ەنٸ – حالىقتىڭ جٷرەگٸنە اينالدى», – دەپ جازدى مينيستر.
يسرايل ساپارباي 1941 جىلى 15 مامىردا ٶزبەكستان سامارقاند وبلىسى كۋشراباد اۋدانىندا دٷنيەگە كەلگەن.
شىمكەنت پەدوگوگيكالىق ينستيتۋتىنىڭ فيلولوگييا فاكۋلتەتٸن بٸتٸرگەن سوڭ بٸرنەشە جىل «وڭتٷستٸك قازاقستان» گازەتٸندە جۇمىس ٸستەگەن.
1973—1975 جىلدارى الماتى جوعارى پارتييا مەكتەبٸن بٸتٸردٸ.
1976—1983 جىلدارى قازاقستان جازۋشىلار وداعىنىڭ شىمكەنت وبلىسارالىق بٶلٸمشەسٸندە ەدەبي كەڭەسشٸ قىزمەتٸن اتقارىل, 1983 جىلى «جالىن» باسپاسىنا اعا رەداكتورلىققا اۋىسقان.
1984 — 1985 جىلدارى «قازاق ەدەبيەتٸ» گازەتٸندە پوەزييا بٶلٸمٸنٸڭ مەڭگەرۋشٸسٸ
1985 — 1992 جىلدارى «جازۋشى» باسپاسىندا پوەزييا بٶلٸمٸنٸڭ مەڭگەرۋشٸسٸ, ودان سوڭ «قازاقفيلم» تەلەستۋديياسى باس رەداكتورىنىڭ ورىنباسارى
1997 — 1998 جىلدارى سىرتقى ٸستەر مينيسترلٸگٸنٸڭ تمد ەلدەرٸ بويىنشا دەپارتامەنتٸنٸڭ I حاتشىسى
1998 — 1999 جىلدارى ٶزبەكستان رەسپۋبليكاسىنداعى قازاقستان ەلشٸلٸعٸندە ٸٸ حاتشى قىزمەتتەرٸن اتقاردى. العاش بٸر توپ ٶلەڭدەرٸ 1975 جىلى « كٶكتەم تىنىسى» ۇجىمدىق جيناعىن-دا جارىق كٶردٸ. رەسپۋبليكالىق «جالىن» بەيگەسٸنٸڭ جٷلدەگەرٸ. 70-كە تارتا ەندەر مەن 150-گە تارتا ەن مەتٸندەرٸنٸڭ اۆتورى. «اۋىلدان كەلگەن ارۋ», «ەمٸر-تەمٸر», اباي-توعجان», «سىعاي سەرەناداسى», «ماحاببات مەيرامى» پەسالارى تەاتر ساحناسىندا قويىلىپ جٷر.
شىعارمالارى
اققۋ ارمان. ا., «جالىن», 1976; راۋشان عۇمىر», ا., «جالىن», 1978; بوزقاراعان. ا., «جالىن», 1980; قىزىل-جاسىل دٷنيە. ا., «جالىن», 1984; جٷرەگٸمە ۇيا سالعان قارلىعاش. ٶلەڭدەر. ا., «جالىن», 1986; قىزىل جەل. ٶلەڭدەر. ا., «جالىن», 1998; عاشىقتىڭ تٸلٸ. ٶلەڭدەر, ا.; بارماقتاي باق. ٶلەڭدەر. ا., «راۋان»; ماحاببات پەن عاداۋات. ٶلەڭدەر. ا., «اتامۇرا»; تار تٶسەكتە تٶسٸڭدٸ. ا., «دالا».
