Májilis depýtaty Irina Ýnjakova Nur Otan partiiasy fraktsiiasynyń atynan koronavirýs infektsiiasynan halyqty vaktsinatsiialaýdyń baiaý júrip jatqanyn aityp, másele kóterdi, dep habarlaidy "Ult aqparat".
Májilis ókili Densaýlyq saqtaý ministrligi bul naýqandy júieli uiymdastyrmai otyr degen syn aitty.
«Keshe Densaýlyq saqtaý ministri halyqty vaktsinalaýǵa úndedi. Biraq qaida baryp vaktsina alýǵa bolatynyn el bilmeidi. Sebebi óńirlerdegi emhanalarda vaktsina joq», - dedi depýtat.
Irina Ýnjakova qazirgi ahýaldy byltyrǵy jaǵdaimen salystyrdy.
«Byltyr adamdar shatasyp, PTR-test qaida jáne qashan tapsyrýǵa bolatynyn bilmedi. Al biyl vaktsinatsiiany qaida jáne qashan alýǵa bolatynyn bilmei otyr. Densaýlyq saqtaý ministrligi biyl aldyn ala is-qimyl algoritmin jasai almady ma? Kóptegen adamnyń kókeiinde osyndai suraq tur», - dedi depýtat.
Irina Ýnjakova Izrail, Ulybritaniia, Slovakiia, Sloveniia, Serbiia, Singapýr jáne basqa da birqatar elderde halyqtyń jartysynan 90%-na deiin vaktsina alyp úlgergenin atap ótti.
Al Qazaqstanda Densaýlyq saqtaý ministrliginiń aqparaty boiynsha, 134 myńnan astam adam vaktsinatsiialanǵan.
«Densaýlyq saqtaý ministrligi shuǵyl túrde tiisti sharalar qabyldaýy kerek. Áitpese biz ótken jazdaǵydai pandemiiamen kúreske tolyq daiyn bolmai shyǵýymyz múmkin», - dedi Irina Ýnjakova.
Osy depýtattyq saýal arqyly «Nur Otan» partiiasy fraktsiiasynyń músheleri óńirler boiynsha vaktsina jetkizýdiń naqty josparyn, halyqtyń barlyq toptaryn vaktsinalaý kestesin, sondai-aq vaktsinatsiianyń barlyq pýnkteri týraly, tipti, onyń ishinde, tolyq aqparat berýdi talap etip otyr.
