مەجٸلٸس دەپۋتاتى يرينا ۋنجاكوۆا Nur Otan پارتيياسى فراكتسيياسىنىڭ اتىنان كوروناۆيرۋس ينفەكتسيياسىنان حالىقتى ۆاكتسيناتسييالاۋدىڭ باياۋ جٷرٸپ جاتقانىن ايتىپ, مەسەلە كٶتەردٸ, دەپ حابارلايدى "ۇلت اقپارات".
مەجٸلٸس ٶكٸلٸ دەنساۋلىق ساقتاۋ مينيسترلٸگٸ بۇل ناۋقاندى جٷيەلٸ ۇيىمداستىرماي وتىر دەگەن سىن ايتتى.
«كەشە دەنساۋلىق ساقتاۋ مينيسترٸ حالىقتى ۆاكتسينالاۋعا ٷندەدٸ. بٸراق قايدا بارىپ ۆاكتسينا الۋعا بولاتىنىن ەل بٸلمەيدٸ. سەبەبٸ ٶڭٸرلەردەگٸ ەمحانالاردا ۆاكتسينا جوق», - دەدٸ دەپۋتات.
يرينا ۋنجاكوۆا قازٸرگٸ احۋالدى بىلتىرعى جاعدايمەن سالىستىردى.
«بىلتىر ادامدار شاتاسىپ, پتر-تەست قايدا جەنە قاشان تاپسىرۋعا بولاتىنىن بٸلمەدٸ. ال بيىل ۆاكتسيناتسييانى قايدا جەنە قاشان الۋعا بولاتىنىن بٸلمەي وتىر. دەنساۋلىق ساقتاۋ مينيسترلٸگٸ بيىل الدىن الا ٸس-قيمىل الگوريتمٸن جاساي المادى ما? كٶپتەگەن ادامنىڭ كٶكەيٸندە وسىنداي سۇراق تۇر», - دەدٸ دەپۋتات.
يرينا ۋنجاكوۆا يزرايل, ۇلىبريتانييا, سلوۆاكييا, سلوۆەنييا, سەربييا, سينگاپۋر جەنە باسقا دا بٸرقاتار ەلدەردە حالىقتىڭ جارتىسىنان 90%-نا دەيٸن ۆاكتسينا الىپ ٷلگەرگەنٸن اتاپ ٶتتٸ.
ال قازاقستاندا دەنساۋلىق ساقتاۋ مينيسترلٸگٸنٸڭ اقپاراتى بويىنشا, 134 مىڭنان استام ادام ۆاكتسيناتسييالانعان.
«دەنساۋلىق ساقتاۋ مينيسترلٸگٸ شۇعىل تٷردە تيٸستٸ شارالار قابىلداۋى كەرەك. ەيتپەسە بٸز ٶتكەن جازداعىداي پاندەمييامەن كٷرەسكە تولىق دايىن بولماي شىعۋىمىز مٷمكٸن», - دەدٸ يرينا ۋنجاكوۆا.
وسى دەپۋتاتتىق ساۋال ارقىلى «Nur Otan» پارتيياسى فراكتسيياسىنىڭ مٷشەلەرٸ ٶڭٸرلەر بويىنشا ۆاكتسينا جەتكٸزۋدٸڭ ناقتى جوسپارىن, حالىقتىڭ بارلىق توپتارىن ۆاكتسينالاۋ كەستەسٸن, سونداي-اق ۆاكتسيناتسييانىڭ بارلىق پۋنكتەرٸ تۋرالى, تٸپتٸ, ونىڭ ٸشٸندە, تولىق اقپارات بەرۋدٸ تالاپ ەتٸپ وتىر.
