Memleket basshysy Qasym-Jomart Toqaev «Halyq únine qulaq asatyn memleket» tujyrymdamasyn sapaly túrde júzege asyrý úshin «Nátije» atty jańa ortalyqtar qurý kerektigin málim etti, dep habarlaidy QazAqparat.
«Taǵy bir mańyzdy másele - biz «Halyq únine qulaq asatyn memleket» tujyrymdamasyn júzege asyryp jatyrmyz. Bul baǵytta az sharýa atqarylǵan joq. Bul qural – azamattarmen tikelei jumys júrgizý isin qaita qaraý. Byltyr ǵana memlekettik organdar 1,9 millionǵa jýyq ótinishti qarady. Shamamen 2 millionǵa jýyq ótinish qaralǵan. Meniń atyma 32 myńǵa tarta ótinish keldi. 2019 jylǵa qaraǵanda 3 ese kóp. Onyń ishindegi 80 paiyzy – ártúrli memlekettik organdardyń quziretine kireti sharýalar. Formalizm faktileri áli de tym kóp. Bul – búkil memlekettik qurylym zańmen, reformamen sheshilýge tiis júieli problemaǵa ainalyp barady», - dedi Qasym-Jomart Toqaev Úkimettiń keńeitilgen otyrysynda.
Prezident ótinish berýshimen jumys sapasyn arttyrý úshin jańa «I-ótinim» aqparat júiesin jáne «Nátije» ortalyqtaryn qurýdy tapsyrdy.
«1 shildege deiin júie iske qosylýy kerek», - dep tapsyrdy Prezident.
.jpeg)