Memleket basshysy óziniń kezekti Joldaýynda qazaqstandyqtardyń ál-aýqatyna basa nazar aýdardy. Atalmysh strategiialyq qujat áýelgi óz jolynan jańylmai, halyqtyń áleýmettik saiasatyna, turmystyq jaǵdaiyn arttyrý, ómir sapasynyń deńgeiin kóterý máselelerine arnalyp otyr. Bul Joldaý burynǵy joldaýlardyń logikalyq jalǵasy ispetti, buǵan deiin júrgizilip kele jatqan sarabdal saiasattyń jemisi, halyqqa arnaýlar men sóilegen sózderdiń kvintessentsiiasy retinde qabyldandy.
Elbasynyń «Árbir qazaqstandyq júrgizilip jatqan reformalardyń mánin jáne olardyń Otanymyzdy órkendetý jolyndaǵy mańyzyn jete túsinýge tiis. Reformalardy tabysty júzege asyrý úshin qoǵamymyzdyń ortaq maqsatqa jumylýy asa mańyzdy», – degen sózderi kópshiliktiń kókeide júrgen oiyn dóp basty.
QR Premer-Ministriniń Keńsesiniń málimetinshe, birinshi mindet sheńberinde qazaqstandyqtardyń kiristerin arttyrýǵa jáne ómir sapasyn jaqsartýǵa, jańa jumys oryndaryn ashýǵa baǵyttalǵan 28 is-shara kózdelgen.
QR Ulttyq ekonomika ministri Timýr Súleimenov: «Qazaqstandyqtar úshin asa mańyzdy sharalardyń biri - 2019 jylǵy 1 qańtardan bastap eń tómengi jalaqy mólsherin 1,5 ese artyrý. Bul mindetti iske asyrý úshin jeti zań qabyldanady. Halyqtyń kirisin qorǵaý úshin zańnamaǵa tarif belgileý tetiginiń, kommýnaldyq qyzmetterdi tutynýshylardyń qarajatyn paidalanýdyń ashyqtyǵyn qamtamasyz etý úshin ózgerister engiziletin bolady», - dedi Úkimet otyrysynda.
Biznesti tiimdi qoldaý maqsatynda «Biznestiń jol kartasy 2020» biznesti qoldaý men damytýdyń memlekettik baǵdarlamasy jalǵasyn bolady, Indýstrialdyq-innovatsiialyq damýdyń 2025 jylǵa deiingi memlekettik baǵdarlamasy qabyldandy.
Sondai-aq aldaǵy jyldyń aqpan aiynda týrizm salasyn damytýdyń memlekettik baǵdarlamasy bekitilmek.
Joǵaryda atalǵan baǵdarlamalar men sharalardy iske asyrý ekonomikalyq ósýge yqpalyn tigize otyryp, el azamattarynyń ál-aýqatynyń ósýin qamtamasyz etetin bolady.
«Turmys sapasyn arttyrý» degen ekinshi mindettiń sheńberinde bilim berý jáne densaýlyq saqtaý siiaqty eki mańyzdy salany qamtyǵan 24 is-shara kózdelgen. Bul mindetti iske asyrý úshin 4 zań qabyldanady.
Bilim men ǵylymdy damytýdyń jáne densaýlyq saqtaýdy damytýdyń memlekettik baǵdarlamalaryna ózgerister engiziletin bolady, olar bilim berý, ǵylym jáne densaýlyq saqtaýǵa 2023 jylǵa qarai JIÓ-ni 10% jetkizýdi kózdeidi.
Bilim berý salasynda mektepke deiingi bilim berý, orta jáne joǵary bilim berýdiń sapasyn arttyrýǵa baǵyttalǵan sharalar kózdelgen.
Muǵalimder men mektepke deiingi uiymdar jumyskerlerin yntalandyrý úshin kelesi jyly «Pedagogtiń mártebesi týraly» Zań ázirlenedi.
Oqýshylar orynynyń tapshylyǵyn joiý jáne úsh aýysymdy mektepter problemasyn sheshý maqsatynda aǵymdaǵy jyldyń sońynda óńirlerde mektepterdiń qurylysy bastalatyn bolady.
Orta mektepterde Nazarbaev ziiatkerlik mektepterindegi oqytý ádisteri men júiesin engizý jalǵasady.
«Nazarbaev Ýniversitet» DBU tájiribesine uqsas qazaqstandyq joǵary oqý oryndarynyń top-menedjerler retinde sheteldik mamandardy tartýymen álemniń jetekshi ýniversitetterimen áriptestigi odan ári damityn bolady. Sondai-aq óńirlik jańa joǵary oqý orny qurylatyn bolady.
Densaýlyq saqtaý salasynda meditsina qyzmetteriniń sapasyn arttyrý úshin 2019 jylǵy1 qańtardan bastap barlyq emhanalar men aýrýhanalar meditsinalyq qujattamany qaǵazsyz, tsifrlyq túrde júrgizýge kóshedi.
Aǵymdaǵy jyly Astanada Ulttyq ǵylymi onkologiialyq ortalyqtyń qurylysy bastalatyn bolady. Ol qazirgi zaman talabyna jaýap beretin qurylǵylarmen jabdyqtalady.
Sondai-aq aýrýlardy basqarýdyń jańa tásilderin engizgen ýchaskelik meditsinalyq jumyskerlerdiń jalaqysyn 20% kezeń kezeńmen ósirý kózdelgen.
Dene shynyqtyrýmen jáne sportpen shuǵyldaný úshin infraqurylymdy damytýdy asa qajet etetin eldi mekenderde dene shynyqtyrý-saýyqtyrýdyń 100 keshenin salý boiynsha daiyndyq is-sharalary júrgiziletin bolady.
Halyqty sapasyz jáne densaýlyqqa qaýipti taýarlar men qyzmetterden qorǵaý maqsatynda Taýarlar men qyzmetter sapasyn jáne qaýipsizdigin baqylaý komiteti qurylady (dári-dármekter, aýyzsý, balalar taýarlary jáne t.b.).
«Ómir súrýge jaily orta qalyptastyrý» úshinshi mindettiń sheńberinde turǵyn úi jaǵdailaryn jaqsartýǵa, eldiń kez kelgen eldi mekeninde jaily ári qaýipsiz ómir súrýge baǵyttalǵan 22 is-shara kózdelgen. Bul mindetti iske asyrý úshin 5 zań qabyldanady.
Bul úshin bolashaqta Eldi aýmaqtyq-keńistikte damytýdyń 2030 jylǵa deiingi boljamdy shemasy jańa formatta ázirlenip, qabyldanatyn bolady, bul Elimizdiń basqarylatyn ýrbanizatsiiasynyń jańa kartasyna ainalady.
Óńirlerdi damytýdyń 2025 jylǵa deiingi baǵdarlamasy naqty is-sharalaryn, jobalary men qarjylandyrý kólemin kórsete otyryp kelesi jyly qabyldanatyn bolady.
Kólik infraqurylymyn, kommýnaldyq jáne turǵyn úi qurylysyn damytý maqsatynda «Nurly jol», «Nurly jer» memlekettik baǵdarlamalary 2025 jylǵa deiin uzartylatyn bolady.
.jpeg)