Foto: ken-zhyloi.kz
2023 jylǵy 17 naýryz, Almaty q. – AM Best agenttigi 2023 jylǵy 16 naýryzdaǵy resmi málimdesinde «Halyq-Life» AQ qarjylyq turaqtylyq reitingin «B+» – den «B++» – ge deiin, sondai-aq emitenttiń uzaq merzimdi kredittik reitingin «bbb –» – den «bbb» – ge deiin kóterdi. Reitingter boiynsha boljam - «Turaqty».
Kompaniianyń uzaq merzimdi reitingteri reitingterdiń halyqaralyq klassifikatory boiynsha Qazaqstan Respýblikasyndaǵy ómirdi saqtandyrý kompaniialary arasynda eń joǵary bolyp tabylady.
Reitingtiń joǵarylaýyna Kompaniianyń sońǵy jyldardaǵy senimdi investitsiialyq kiristilikpen qamtamasyz etilgen operatsiialyq kórsetkishteriniń jaqsarýy yqpal etti. Sonymen qatar, 2022 jyly Kompaniia menshikti kapitaldyń kiristiligin 2021 jylmen salystyrǵanda 13,8 paiyzǵa (21,8paiyzdan 35,6 paiyzǵa deiin) ulǵaitty. Bul kórsetkishtiń bes jyldaǵy ortasha ólshengen máni (2018-2022) shamamen 31% qurady.
AM Best bolashaqta Kompaniia ómirdi saqtandyrý jáne annýitetter portfeliniń ósýine, sondai-aq óziniń operatsiialyq shyǵyndaryn qysqartý úshin qabyldaityn is-qimyldar saldarynan joǵary operatsiialyq nátijelerdi kórsetýdi jalǵastyrady dep kútedi.
Sonymen qatar AM Best sarapshylary ósý josparlaryn qoldaý úshin paidany jetkilikti kólemde ustaýǵa múmkindik beretin senimdi operatsiialyq nátijeler men dividendtik saiasatqa negizdelgen Kompaniia kapitalynyń jetkiliktiligin joǵary deńgeide baǵalaidy. AM Best, bolashaqta Kompaniia kapitalynyń jetkiliktiligi osy deńgeide saqtalady dep boljaidy.
«Biz bedeldi halyqaralyq agenttiktiń bizdiń jumysymyzdy joǵary baǵalaǵany úshin óte qýanyshtymyz. Halyqaralyq agenttiktiń qabyldanǵan reitingtik áreketteri Kompaniianyń durys strategiialyq baǵytty ustanǵanyn jáne onyń tiimdiligin taǵy da rastai túsedi. Bul joǵary baǵa Kompaniianyń ishki naryqtaǵy qatysýdy keńeitýge, sondai-aq Kompaniianyń klientter bazasyn ulǵaitýǵa qosymsha áser etedi dep sanaimyz. Joǵary reitingter Kompaniianyń naryqtaǵy myqty jaiǵasymyn ári óz mindettemeleri boiynsha jaýap berýge qabileti joǵary ekenin kórsetedi», – dep túsindirdi Basqarma Tóraiymy Janar Jubaniiazova.
2023 jylǵy 1 qańtardaǵy jaǵdai boiynsha Kompaniia qazaqstandyq ómirdi saqtandyrý naryǵynda barlyq qarjylyq kórsetkishteri boiynsha kóshbasshy bolyp tabylady. Saqtandyrý syiaqylary boiynsha naryq úlesi 33 paiyz, aktivter boiynsha – 31 paiyz, menshikti kapital mólsheri boiynsha – 32 paiyz, taza paida boiynsha 27 paiyz kóleminde.
