Foto: Konstitýtsiialyq sot baspasóz qyzmeti
Prezidenttiń quqyqtyq máseleler jónindegi kómekshisi Erjan Jienbaev Qazaqstannyń Halyq Keńesi Qazaqstan halqy Assambleiasy men Ulttyq quryltaidyń strategiialyq fýnktsiialaryn oryndaýdy jalǵastyratynyn aitty, dep habarlaidy Ult.kz.
"Ulttyq quryltaidyń besinshi otyrysynda Memleket basshysy «birneshe jyl boiy muqiiat qalyptastyryp kele jatqan saiasi qurylymnyń úilesimdi túiini» retinde tarihi ári mańyzdy usynys aitty. Prezident birqatar elderde bar Vitse-prezident institýtyn engizýdi usyndy. Memleket basshysynyń ózi atap ótkendei, «bizdiń jaǵdaiymyzda bul laýazymdy engizý memleketti basqarý protsesin turaqtandyrady. Sondai-aq bilik ierarhiiasyn birjola aiqyndap beredi». Sonymen qatar reformalardyń jańa kezeńinde qoǵam damýynyń barlyq máselesine qatysty turaqty jalpyulttyq dialog júrgizý úshin aýqymdy platforma retinde Qazaqstannyń Halyq Keńesin qurý usynyldy. Atalǵan organ halqymyzdyń yntymaq-birligin nyǵaitýǵa yqpal etetin negizgi qoǵamdyq-saiasi birlestikter men qurylymdardy qosyp, Qazaqstan halqy Assambleiasy men Ulttyq quryltaidyń strategiialyq fýnktsiialaryn oryndaýdy jalǵastyrady. Osy eki mańyzdy institýt boiynsha negizgi erejeler Konstitýtsiia deńgeiinde tiisti reglamentteýdi talap etedi", - dedi Jienbaev baiandamasynda.
