26 maýsym kúni Islandiia koronavirýs indetine bailanysty engizilgen karantin shekteýlerin alyp tastady. Endi qoǵamdyq oryndarda maska taǵyp, qashyqtyq ustanýdyń qajeti joq. Sondai-aq buqaralyq is-sharalarǵa qatysýshylar sany jóninde qoiylǵan shekteýler de alyndy.
Osylaisha Islandiia pandemiia kezindegi karantin shekteýlerin tolyq joiǵan (shetelden kelgenderge arnalǵan shekteýlerdi eseptemegende) alǵashqy Eýropa memleketi atanyp otyr.
"Biz kóp kútken úirenshikti ómirge oralyp jatyrmyz" dedi eldiń densaýlyq saqtaý ministri.
Islandiia indet bastalǵaly jappai testileýge basymdyq berdi. Halqy 330 myń adamnan turatyn Islandiiada barlyǵy 750 myń test tapsyrylǵan. Testileý virýs juqtyrǵandary dereý anyqtap, olardy oqshaýlaýǵa múmkindik berdi. Biraq pandemiia sharyqtaý sheginde el biligi báribir lokdaýn engizýge májbúr boldy. Qazir el halqynyń 87 paiyzy koronavirýs vaktsinasyn saldyrǵan. Al koronavirýspen tirkelip júrgender sany aptasyna 10 adamnan aspaidy.
Indet bastalǵaly aýrýdan elde 30 adam qaitys bolǵan. Onyń bireýi ǵana biyl kóz jumǵan. Jan basyna shaqqandaǵy ólim deńgeii boiynsha Islandiia álemdegi eń tómengi oryndardyń birinde tur.
