Illiýstratsiialyq foto:elements.envato.com
Qazaqstan avtobiznes qaýymdastyǵynyń vitse-prezidenti Anar Maqasheva 4 paiyzdyq avtonesie baǵdarlamasyna qatysqysy keletin qazaqstandyqtardyń avtosalondardaǵy kezegine qatysty pikirin aitty, - dep habarlaidy Tengrinews.kz tilshisi.
"Halyqtan dúrbeleń salmaýdy suraimyz. Qazir Qazaqstannyń túkpir-túkpirinde osy baǵdarlama boiynsha kólik tańdap, tapsyrys berýge kelgen adamdar bar. Árine, solai isteýi kerek. Tek baǵdarlamaǵa qatysatyn bankter ótinishterdi qabyldaýǵa daiyn bolǵanyn kútý kerek. Olar avtokólikke tapsyrys bergen barlyq adammen bailanysta. Kezegi kelgen kezde azamattarǵa kóligin alyp ketýge bolatyny habarlanady", - dedi Maqasheva.
Ol baǵdarlama ashyq jumys isteitinine jáne avtosalondardaǵy kólikter kezeginde "alaiaqtyq" bolmaitynyna sendirdi.
"Kezekke qatysty alaiaqtyq bolmaidy. Árbir avtosalon ne aldyn ala satyp alý-satý sharty boiynsha brondaý jasaidy, ne bolmasa avtosalonda kólik brondaǵan adamdar men qandai jiyntyq tańdaǵany jazylǵan tizim bar. Búkil protsess ashyq jáne túsinikti bolýy úshin aldymen adam avtosalonǵa kelip, ony tańdap, menedjerge dál osy kólikti qalaitynyn rastaýy kerek. Eger tutynýshyǵa birdeńe unamasa nemese túsiniksiz protsess bolyp jatqandai kórinse, ol árqashan avtosalondaǵy qoldaý qyzmetine habarlasa alady", - dep qosty ol.
