"Mýzart" tobynyń ánshisi Sáken Maiǵaziev áriptesterin aiyptaǵan qalyń kópshilikke jaýap berdi.
Óner iesi sýdan zardap shekken halyqqa áriptesterimen birge qarjylai kómek kórsetkenin aitty.
"Júregimizben, janymyzben sizdermen birgemiz. "Qasymyzda bolyńdar" deseńizder, barýǵa daiynbyz. Ánshiler shamasy kelgenshe qarjylai qoldaý kórsetip jatyr. Jaǵdaiy barlar million teńgeden, jaǵdaiy joqtar kem degende 100 myń teńgeden aýdardy. Aitý kerek bolsa, osyny da aitaiyq. Durysynan túsinińizder. "Bolmaityn adam ónbeitin isti daýlaidy" degen sóz bar, bolmaityn sózdi aita bermeiik. Bárińizdi qushaqtadym", - dedi ol.
Sondai-aq, ánshi qai jaǵdaida estrada juldyzdary uiymshyldyq tanytatynyn atap ótti.
"Sý alyp jatqan jerlerdiń barshasyna shamamyzdyń kelgeninshe biz de úlesimizdi qosyp jatyrmyz. "Qarǵa óshin tyrnadan alypty" demekshi, kez kelgen nársege ánshilerdi, óner adamdaryn qosyp, ǵaibattaýdyń qajeti joq. Arystaǵy jaǵdai bolsyn, Maqtaaraldy sý basqanda da, basqa da jaǵdailarda basy-qasynan tabyldyq. Óte uiymshylmyz, bir-birimizdiń sózimizdi sóilep, soiylymyzdy soǵýǵa daiynbyz. Qanshama qaiyrymdylyq qorlary jumys istep jatyr. Kómek kórsetilip jatyr", - dedi óner iesi.
