"مۋزارت" توبىنىڭ ەنشٸسٸ سەكەن مايعازيەۆ ەرٸپتەستەرٸن ايىپتاعان قالىڭ كٶپشٸلٸككە جاۋاپ بەردٸ.
ٶنەر يەسٸ سۋدان زارداپ شەككەن حالىققا ەرٸپتەستەرٸمەن بٸرگە قارجىلاي كٶمەك كٶرسەتكەنٸن ايتتى.
"جٷرەگٸمٸزبەن, جانىمىزبەن سٸزدەرمەن بٸرگەمٸز. "قاسىمىزدا بولىڭدار" دەسەڭٸزدەر, بارۋعا دايىنبىز. ەنشٸلەر شاماسى كەلگەنشە قارجىلاي قولداۋ كٶرسەتٸپ جاتىر. جاعدايى بارلار ميلليون تەڭگەدەن, جاعدايى جوقتار كەم دەگەندە 100 مىڭ تەڭگەدەن اۋداردى. ايتۋ كەرەك بولسا, وسىنى دا ايتايىق. دۇرىسىنان تٷسٸنٸڭٸزدەر. "بولمايتىن ادام ٶنبەيتٸن ٸستٸ داۋلايدى" دەگەن سٶز بار, بولمايتىن سٶزدٸ ايتا بەرمەيٸك. بەرٸڭٸزدٸ قۇشاقتادىم", - دەدٸ ول.
سونداي-اق, ەنشٸ قاي جاعدايدا ەسترادا جۇلدىزدارى ۇيىمشىلدىق تانىتاتىنىن اتاپ ٶتتٸ.
"سۋ الىپ جاتقان جەرلەردٸڭ بارشاسىنا شامامىزدىڭ كەلگەنٸنشە بٸز دە ٷلەسٸمٸزدٸ قوسىپ جاتىرمىز. "قارعا ٶشٸن تىرنادان الىپتى" دەمەكشٸ, كەز كەلگەن نەرسەگە ەنشٸلەردٸ, ٶنەر ادامدارىن قوسىپ, عايباتتاۋدىڭ قاجەتٸ جوق. ارىستاعى جاعداي بولسىن, ماقتاارالدى سۋ باسقاندا دا, باسقا دا جاعدايلاردا باسى-قاسىنان تابىلدىق. ٶتە ۇيىمشىلمىز, بٸر-بٸرٸمٸزدٸڭ سٶزٸمٸزدٸ سٶيلەپ, سويىلىمىزدى سوعۋعا دايىنبىز. قانشاما قايىرىمدىلىق قورلارى جۇمىس ٸستەپ جاتىر. كٶمەك كٶرسەتٸلٸپ جاتىر", - دەدٸ ٶنەر يەسٸ.
