Prezident Qasym-Jomart Toqaev kez kelgen másele boiynsha miting uiymdastyra bermeýge jáne el táýelsizdigin saqtaýǵa shaqyrdy, - dep habarlaidy Tengrinews.kz.
Parlament palatalarynyń birlesken otyrysynda Memleket basshysy eldi ózgertýge basa nazar aýdarý mańyzdy ekenine toqtaldy.
"Biz basty bailyǵymyz - Táýelsizdikti saqtap, ulttyq bolmysymyzdyń irgetasyn nyǵaityp, eldi ózgertýge jumylýymyz kerek. Bul - bizdiń urpaq aldyndaǵy qasietti boryshymyz.
Qazir saiasi barrikadalar quryp, kez kelgen másele boiynsha miting uiymdastyratyn, kúmándi sheshimderdi talap etetin, qarsylyqsyz talaptar qoiatyn, qyzmettik mindetin atqaryp jatqan politsiia qyzmetkerlerin sógetin ýaqyt emes. Osynyń bári álem jurtshylyǵynyń aldynda halqymyzdyń bedelin túsiredi. Qaiǵyly qańtar oqiǵasy elimizdiń bedeline orasan nuqsan keltirip úlgerdi. Muny moiyndaý kerek", - dedi Memleket basshysy.
