"13 qazan kúni Qazaqstan Respýblikasy Elshiliginiń kómegimen Qazaqstan Respýblikasynyń Ortalyq memlekettik mýzeii Býdapesht qalasyna Keiki batyrdyń bas súiegin jetkizdi", - dep jazady "Ult aqparat".
Bul týraly Majarstandaǵy QR Elshisi Nurbaq Rústemov Feisbýk áleýmettik jelisinde habarlap otyr.
«Vengriianyń jaratylystaný ǵylymdary mýzeiinde Qazaqstan Respýblikasynyń Ortalyq memlekettik mýzeiiniń direktory Nursan Álimbai Vengriia mýzeiiniń bas direktory Zoltan Korshoshqa DNK saraptamasyn júrgizip, qalpyna keltirý úshin Keiki batyrdyń bas súiegin tapsyrdy. Mýzeidiń antropologiialyq bólimine jetekshilik etetin Agnesh Kýshtar Keiki batyrdyń bas súiegin qalpyna keltirý jumystaryn óz basshylyǵyna aldy», - dep habarlaǵan Elshi N.Rústemov.
Kezdesý barysynda N.Álimbai majarlyq ǵylymdarǵa 1916 jylǵy ult-azattyq qozǵalysyna toitarys bergen Keiki batyrdyń bas súiegi 93 jyl ótken soń Otanyna qaitarylǵanyn jáne de batyrdyń bas súiegin qalpyna keltirý Qazaqstan úshin tarihi oqiǵa ekenin atap ótken.
Býdapeshtegi mýzeidiń bas direktory Zoltan Korshosh bolsa, osyndai tarihi mindetti senip tapsyrǵan qazaqstandyqtarǵa alǵys aityp, majarlyq ǵalymdar sońǵy tehnologiialardyń arqasynda sapaly jumys atqaratynyna sendirdi.
«Aita ketý kerek, Vengriianyń jaratylystaný ǵylymdary mýzeiine biyl 214 jyl toldy. Mýzei ishinde 10 millionǵa jýyq eksponat bar. Al antropologiialyq bólim 70 ret adamnyń bas súiegin qalpyna keltiretin tásilmen jumys istegen, sonyń ishinde Ábilhaiyr hannyń da bas súiegin qalpyna keltirgen»,-dep habalady elshi.
.jpeg)